flugfréttir
Framleiðsla á Boeing 787 gæti heyrt sögunni til í Everett
- Dreamliner-þotan yrði þá eingöngu framleidd í Suður-Karólínu
Ný Boeing 787 þota í samsetningarsalnum í Everett þann 24. júlí síðastliðinn
Orðrómur er um að Boeing muni í næsta mánuði taka ákvörðun varðandi að sameina framleiðsluna á Dreamliner-þotunum svo hún verði aðeins smíðuð á einum stað en í dag er Boeing 787 framleidd í Everett í Washington-fylki og í North Charleston í Suður-Karólínu.
Ef Boeing ákveður að Dreamliner-þotan verði framleidd aðeins á einum stað þá er talið að Suður-Karólína
verði fyrir valinu sem þýðir að framleiðslu Boeing 787 verður hætt í Everett.
Slíkt hefði mikil áhrif á atvinnulífið í Seattle og nágrenni þar sem mörg störf eru í húfi en fram kemur
að vitað hafi verið að framtíðaráætlanir Boeing með tilkomu verksmiðjunnar í Suður-Karólínu sem opnaði
árið 2009 hafi ávalt verið að hætta framleiðslunni í Washington-fylki með í náinni framtíð.
Boeing hafði þá áform um að nýta verksmiðjuplássið í staðinn fyrir framleiðslu á nýrri framtíðarþotu
en miðað við ástandið í flugiðnaðinum í dag og með tilliti til þess vanda sem Boeing hefur gengið í gegn
um með Boeing 737 MAX þá eru engin áform um að nein flugvélaframleiðsla taki við í verksmiðjunum
þar sem Boeing 787 er framleidd í dag.
Aðeins eru þrjár Boeing 787 þotur framleiddar í dag á sittvorum staðnum, Everett og Suður-Karólínu
„Það yrði mikið áfall fyrir hagkerfið í nágrenninu að missa Boeing 787 framleiðsluna frá Everett“, segir
Cassie Franklin, borgarstjóri í Everett.
Stærsta bygging heims yrði frekar tómleg án Boeing 787
Everett-verksmiðjan yrði ekki svipur hjá sjón árið 2022 þegar framleiðsla á júmbó-þotunni
verður hætt og ef Dreamliner-framleiðslan hættir einnig og flyst alfarið til Suður-Karólínu yrði
frekar tómlegt í stærstu byggingu heims með aðeins fimm nýjar þotur í framleiðslu á mánuði sem myndi
samanstanda af Boeing 767 fraktþotum og Boeing 777X þotum sem kæmu út af færibandinu
en í fyrra þá voru 15 breiðþotur smíðaðar á hverjum mánuði í Everett.
Boeing-verksmiðjurnar í Everett
Stjórnmálamenn, fylkisstjóri Washington og forsvarsmenn verkalýðsfélaga í fylkinu segja sorglegt
að sjá þá afturför sem framundan er eftir allar þær fjárfestingar sem gerðar hafa verið í tengslum
við umsvif Boeing á svæðinu og þá sérstaklega með tilliti til fjölda þeirra starfa sem Boeing hefur
skapað.
Í fyrra voru framleiddar sjö Dreamliner-þotur á sitthvorum staðnum eða alls 14 þotur á mánuði
en búið er að skera afköstin niður í sex þotur á mánuði.
Þá hefur afkastageta við framleiðslu á Boeing 777 verið skorin niður í aðeins tvær þotur á mánuði
og er talið ólíklegt að framleiðslan muni aftur ná 8.3 þotu á mánuði líkt og í fyrra.
Tími fyrir Boeing að nýta niðursveifluna og hanna framtíðarþotu fyrir árið 2030
Richard Aboulafia, flugsérfræðingur og ráðgjafi í flugmálum hjá fyrirtækinu Teal Group, segir að það myndi hafa mikil áhrif á Boeing næstu 3 til 4 árin ef framleiðsla á Boeing 787 myndi hætta
í Everett og færi eingöngu fram í Suður-Karólínu.
Aboulafia segir að framleiðsla á örfáum Boeing 767 og Boeing 777X þotum í Everett þýddi
aukin kostnað til þess að réttlæta framleiðsluna í Everett.
Aboulafia hefur mestar áhyggjur af því að með færri starfsmönnum myndi draga úr þeirri þekkingu
og verkfræðihugviti í kringum iðnaðinn á Everett-svæðinu með fækkun á hæfileikaríku starfsfólki með
sérfræðiþekkingu í flugvélaiðnaðinum og sé eina leiðin fyrir Boeing til að bjarga því og viðhalda stöðu
sinni og vera áfram í fararbroddi að koma með nýja farþegaþotu á markaðinn áður en langt um líður.
Adam Pilarski, ráðgjafi hjá fyrirtækinu Avitas, segir að Boeing þurfi að taka af skarið og ekki eingöngu
koma með venjulega farþegaþotu á markaðinn heldur horfa til framtíðar með umhverfisvæna hönnun
sem væri þota sem kæmi á markað árið 2030 og sé besti tíminn núna til að hefja þróun á henni
á meðan niðursveiflan er í gangi.
„Hugvitið til þess og störfin sem þarf til er að finna í Seattle, ekki í Suður-Karólínu“, segir Pilarski sem
segir að Boeing geti tryggt framtíð sína ef fyrirtækið vill vera áfram í flugiðnaðinum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.