flugfréttir
Kyrrsetja átta Dreamliner-þotur vegna galla í burðarvirki
- Talið að galli sé í samsetningu í stélhluta vélanna
28. ágúst 2020
|
Frétt skrifuð kl. 12:47
Boeing 787-10, tilraunarþota Boeing
Boeing hefur fyrirskipað nokkrum flugfélögum að taka samtals átta Dreamliner-þotur strax úr umferð og leggja þeim án tafar.
Ástæðan er sögð vera sú að Boeing telur að mögulega sé vandamál með
þessar átta tilteknu Dreamliner-þotur er varðar burðarþol vélanna og gætu þær
ekki þolað það álag sem þær verða fyrir á flugi er kemur þyngdarhröðun og fleiri kröftum.
Boeing hefur gert bandarískum flugmálayfirvöldum (FAA) viðvart og er talið að það gæti
tekið allt að tvær vikur á hverja þotu að ganga úr skugga um hvort vandamálið sé til staðar.
Fram kemur að um sé að ræða burðarvirkið í stélhluta á vélunum sem talið er að geti
ekki þolað hámarksálag sem skrokkurinn verður fyrir á flugi sem yrði til þess að sú eining gæti gefið sig skyndilega undir miklu álagi.
Boeing segir í viðtali við fjölmiðilinn The Air Current að búið sé að koma auga
á tvö aðskilin vandamál sem áttu sér stað við samsetningu vélanna á sínum tíma
í samskeytum á stélhlutanum.
Boeing hefur komist að því að mögulega hefur gleymst að ganga úr skugga um að lokað
hafi verið fyrir rifu þar sem þrýstingsveggur („aft pressure bulkhead“) festist við skrokkinn sjálfan
sem uppfyllir ekki öryggiskröfur og gætu þeir kraftar sem flugvélin verður fyrir á flugi
orðið til þess að álagið á þennan hluta dreifist ójafnt yfir búkinn sem býður hættunni heim.
Þau flugfélög sem hafa þessar átta Dreamliner-þotur í flotanum eru United Airlines, Air
Canada og Singapore Airlines.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
