flugfréttir
Hvetur stjórnvöld til að opna Bretland fyrir flugsamgöngum
- Yfirmaður BA segir sóttvarnarreglur ekki þjóna tilætluðum tilgangi
1. september 2020
|
Frétt skrifuð kl. 21:29
Boeing 747 júmbó-þotur, sem British Airways tók úr umferð í sumar, bíða nú örlaga sinna á flugvellinum í Kemble á Englandi
Willie Walsh, framkvæmdarstjóri IAG (International Airlines Group), móðurfélags British Airways auk fleiri flugfélaga, hefur hvatt bresku ríkisstjórnina til þess að opna aftur landamæri Bretlands án þeirra takmarkanna sem eru í gangi vegna kórónuveirufaraldusins.
Walsh fer fram á að sóttvarnaraðgerðum og reglugerðum um sóttkví verði
breytt og styður breska flugmannafélagið BALPA við bakið á skoðunum Walsh.
Walsh segir að verið sé að rústa efnahag Bretlands og minnir á að breska hagkerfið
sé að stórum hluta knúið áfram af samgöngum og þar á meðal flugsamgöngum.
Wille Walsh hefur meðal annars frestað því að láta af störfum sem framkvæmdarstjóri
yfir flugfélagasamsteypunni vegna þess ástands sem nú ríkir og segir hann að núverandi
sóttvarnarreglur séu ekki að skila þeim árangri sem vonast var til.
Willie Walsh, framkvæmdarstjóri IAG (International Airlines Group)
„Það á ekki að loka heilsuhraust fólk inni í 14 daga vegna þess að það hefur verið á ferðalagi. Það stafar ekki meiri hætta af fólki sem hefur verið að slaka á í fríinu erlendi heldur en fólki sem hefur verið að taka strætisvagn til þess að fara út í búð“, segir Walsh.
British Airways reiðir sig að mestu leyti á þær tekjur sem félagið fær af áætlunarflugi yfir Atlantshafið á milli Evrópu og Norður-Ameríku - „Bandarískir ferðamenn sem þurfa að fara í 14 daga sóttkví við komuna til Bretlands eru ekki að ferðast hingað ef dvöl þeirra varir í aðeins sjö daga“, segir Walsh.
Walsh bendir á að fjöldi COVID-19 smita sé mjög breytilegur eftir fylkjum í Bandaríkjunum og segir lítið vit í því að láta þá sömu sóttvarnarreglur gilda fyrir alla komufarþega frá Bandaríkjunum.
Walsh hvetur til þess að stjórnvöld Bretlands og Bandaríkjanna geri með sér samkomulag um mismunandi sóttvarnarreglur eftir fylkjum til þess að hægt sé að opna betur fyrir ferðalög yfir Atlantshafið.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
