flugfréttir
Reyna að gera 787-8 ódýrari í framleiðslu og innkaupum
- Vonast til að Boeing 787-8 verði fýsilegur kostur eftir COVID-19
3. september 2020
|
Frétt skrifuð kl. 15:26
Ný Dreamliner-þota af gerðinni Boeing 787-8 í Everett í Bandaríkjunum
Boeing ætlar sér að lækka framleiðslukostnaðinn við smíði Boeing 787-8 þotunnar í þeim tilgangi að geta boðið hana á lægra verði í von um að ná inn fleiri pöntunum í þotuna.
Boeing 787-8 er minnsta tegundin af Dreamliner-þotunni en pantanir í hana hafa verið
frekar dræmar og hafa helmingi fleiri eintök t.a.m. verið pöntuð af Boeing 787-9 gerðinni.
Því er spáð að þegar flugiðnaðurinn tekur við sér á ný eftir kórónaveirufaraldurinn að mörg
flugfélög eigi eftir að byrja rólega og kjósa minni tegundir af flugvélum og þá einnig minni
breiðþotur.
Boeing vonast eftir því að minnsta Dreamliner-þotan gæti orðið fýsilegur kostur fyrir flugfélög
en Boeing dró fyrir nokkrum árum síðan úr markaðsherferð Boeing 787-8 þotunnar
þar sem hún þótti dýr í innkaupum vegna þess hversu hár framleiðslukostnaðurinn var
sem mátti rekja til erfiðleika við þróun og framleiðslu á árinum 2004 til 2011.
Auka sameiginleikann við Boeing 787-9 og 787-10 tegundirnar
Boeing hefur ekki viljað tjá sig varðandi hvaða leiðir framleiðandinn ætlar að fara til
þess að gera Boeing 787-8 ódýrari í framleiðslu en flugsérfræðingurinn Bjorn Fehrm
bendir á að kostnaðurinn liggi í sameiginleika vélanna.
Á meðan Boeing 787-9 og Boeing 787-10 þoturnar eru 95% sambærilegar hvor annarri
þá sé sameiginleiki Boeing 787-8 við hinar tvær stærri tegundirnar aðeins 30 prósent.
Bjorn segir að lykillinn sé að gera eins marga íhluti, eiginleika og aðra þætti við Boeing 787-8
eins svipaða og hægt er. Árið 2019 voru aðeins framleiddar sex Boeing 787-8 þotur á meðan
122 þotur voru framleiddar af gerðinni 787-9 og 787-10.
Björn bendir á að kostnaðurinn við að framleiða
sérstaka íhluti í sex eintök af Boeing 787-8 þotum í stað þess að það séu sömu einingar og notaðar
eru við hinar tvær tegundirnar gera 787-8 þotuna mjög dýra í framleiðslu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
