flugfréttir
Fresta afhendingum á öllum nýjum þotum frá Airbus
- Eiga enn í viðræðum við Boeing um að fresta afhendingum
Akbar Al Baker, framkvæmdarstjóri Qatar Airways
Qatar Airways hefur náð samkomulagi við Airbus um að fresta móttöku á þeim farþegaþotum sem félagið hefur pantað að undanförnu vegna kórónaveirufaraldursins en flugfélagið á einnig í viðræðum við Boeing um að seinka afhendingum.
Akbar Al Baker, framkvæmdarstjóri Qatar Airways, segir að félagið
hafi samt sem áður möguleika á því að breyta afhendingaráætlun sinni
hjá Airbus og fá vélarnar afhentar fyrr ef aðstæður breytast til hins betra með aukinni eftirspurn.
„Er varðar Boeing þá eigum við enn í viðræðum við þá og hvað sem þeim
finnst þá verður flugvélaframleiðandi að átta sig á því að þetta eru erfiðir
tímar og þeir verða að aðlaga sig að aðstæðum“, segir Al Baker.
„Þeir sem vilja ekki láta af kröfum sínum og standa við bakið á okkur
á erfiðum tímum munu ekki sjá okkar viðskipti aftur“, bætir Al Baker við.
Qatar Airways lýsti því yfir í júní í sumar að félagið myndi ekki taka neinar
nýjar flugvélar inní flotann á þessu ári og ekki heldur á því næsta.
Flugfélagið á von á 72 þotum frá Airbus af gerðinni Airbus A350-1000 og
Airbus A321neo og þá á félagið eftir að fá 88 þotur frá Boeing; 60 af gerðinni
Boeing 777X, fimm Boeing 777 fraktþotur og 23 Dreamliner-þotur af
gerðinni Boeing 787-9.
Þar að auki á Qatar Airways í viðræðum við Boeing vegna þeirra 737 MAX
þotna sem pantaðar voru fyrir flugfélagið Air Italy sem Qatar Airways á
hlut í.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.