flugfréttir
Airbus kynnir vatnshelt tækjaborð í stjórnklefa á A350
- Ver viðkvæman búnað ef flugmenn sulla óvart úr drykkjarmálum
7. september 2020
|
Frétt skrifuð kl. 13:08
Flugstjórnarklefi á Airbus A350 þotunni
Airbus hefur lokið við þróun og hönnun á nýrri vatnsheldri klæðningu fyrir tækjaborð sem staðsett er á milli flugmanna um borð í Airbus A350 breiðþotunum.
Airbus ákvað að þróa vatnshelda klæðningu til að fyrirbyggja atvik sem hafa átt sér stað þar sem flugmenn hafa óvart sullað ýmist kaffi eða te úr pappamálum yfir tækjaborðið en í tveimur tilfellum þurfti að drepa á hreyflum, fljúga af áætlaðri flugleið og lenda vélunum á næsta flugvelli.
Tækjaborðið sem um ræðir, sem virðist vera að taka á sig flestu kaffibollaskvetturnar, kallast á ensku „centre console pedestal“ og stundum „middle-console panels“ en á þessu tækjaborði má finna búnað og takkaborð sem stjórna ræsingu á hreyflum, val á fjarskiptatíðnum, flugtölvuna (FMS) og þar eru einnig að finna sköft fyrir flapastillingar auk fjölda annarra takka.
Flugöryggisstofnun Evrópu (EASA) segir að niðurstaða bráðabirgðarrannsóknar hefur leitt
í ljós óeðlilega starfsemi og virkni í hreyflum á Airbus A350 þotum sem rekja má til þess að vökvi sullaðist yfir
viðkvæman tækjabúnað sem staðsettur er á milli flugmannanna.
Airbus brást við þessu með bráðabirgðarlausn sem var hlíf sem hægt var að setja yfir tækjaborðið á Airbus A350 þotunum á meðan á farflugi stendur en núna hefur framleiðandinn
kynnt varanlega lausn sem er ný vatnsheld klæðning.
EASA hefur farið fram á að þeir flugrekendur og þau flugfélög í Evrópu sem hafa A350-900 og A350-1000 þotur í flota sínum skipti um klæðningu á tækjaborðinu og komi þeirri vatnsheldu
fyrir í staðinn og hafa flugrekendur átta mánuði til að skipta klæðningunni út.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
