flugfréttir
Ótímabært að flugfélögin greiði fyrir þriðju flugbrautina
8. september 2020
|
Frétt skrifuð kl. 14:50
Frá Heathrow-flugvellinum í London
Sögusagnir eru uppi um að stjórn Heathrow-flugvallarins sé að undirbúa sig fyrir það að láta þau flugfélög, sem fljúga á Heathrow, borga brúsann vegna fyrirhugaðra framkvæmda við stækkun flugvallarins með tilkomu þriðju flugbrautarinnar.
Fram kemur að yfirmenn flugvallarins hafi merkt upphæð sem samsvarar 500 milljónum sterlingspunda sem jafngildir rúmum 90 milljörðum króna sem á að deilast niður á flugfélögin sem fljúga til London Heathrow.
Sérfræðingar í flugmálum segja að þetta sé ekki rétti tíminn til að skella kostnaðinum á flugfélögin þar sem þau eiga í nógu miklu basli við að halda sér gangandi vegna COVID-19 heimsfaraldursins og muni þau þurfa nokkur ár til þess að rétta úr kútnum og því óviðeigandi að þau séu látin bera kostnaðinn af þriðju flugbrautinni.
„Samt sem áður þá fer Heathrow Airport Limited fram á að flugfélögin greiði milljónir punda til þess að hægt sé að eltast við einhvern draum sem verður ekki að veruleika“, segir Ravia Govindia, bæjarfulltrúi í Wandsworth-hverfinu í Lundúnum.
Govindia segir að Heathrow-flugvöllurinn sé að reyna að færa taprekstur sinn yfir til flugfélaganna og þar af leiðandi yfir á farþega.
Heathrow fékk árið 2018 formlegt leyfi fyrir framkvæmdum á þriðju flugbrautinni en í febrúar á þessu ári dæmdi áfrýjunardómstóll í Bretlandi áætlanir varðandi þriðju flugbrautina á Heathrow-flugvellinum ólöglegar á þeim forsendum að ekki hafi verið teknar með í reikninginn þær skuldbindingar sem breska ríkisstjórnin hefur gert er kemur að loftslagsmálum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
