flugfréttir
Uppfært þjálfunarefni fyrir 737 MAX verður kynnt í vikunni
- Flugmálayfirvöld í nokkrum löndum fara yfir þjálfunarefni á Gatwick-flugvelli
Stjórnklefi á Boeing 737 MAX þotu
Í þessari viku mun hefjast yfirferð á endurskoðuðum aðferðum fyrir þjálfun á Boeing 737 MAX þoturnar þar sem flugmálayfirvöld frá nokkrum löndum munu fara yfir breytingar sem Boeing hefur lagt til vegna þjálfun flugmanna á MAX-þoturnar.
Það eru bandarísk flugmálayfirvöld (FAA) sem munu kynna þjálfunarefnið fyrir sérstakri nefnd sem nefnist
Joint Operations Evaluation Board (JOEB) á Gatwick-flugvellinum í London auk þess sem forsvarsmenn frá flugmálayfirvöldum
í Kanada, Brasilíu og frá flugöryggisstofnun Evrópu (EASA) munu verða viðstödd kynninguna sem stendur
yfir í 9 daga.
Boeing hefur lýst því yfir að svokallað MCAS-kerfi, sem talið er hafa átt meginorsök tveggja flugslysa, hafi verið
lagfært og yfirfarið og að öryggismál er varðar þann búnnað uppfylli í dag ströngustu öryggiskröfur.
Niðurstöður úr þeirri 9 daga yfirferð sem framundan er verða sendar inn til sérstakrar nefndar hjá bandarískum
flugmálayfirvöldum (FAA) og verða þær birtar í kjölfarið.
Aðilar innan flugsins og þeir sem málið varðar geta komið með athugasemdir og ummæli varðandi niðurstöðurnar
sem FAA mun síðan fara yfir áður en lokaákvörðun verður tekin varðandi lofthæfni Boeing 737 MAX vélanna.
Þá verða gefin út fyrirmæli með athugasemdum og minnispunktum fyrir flugrekendur hvað þeir þurfa að gera
áður en þeir geta byrjað að setja Boeing 737 MAX þoturnar aftur í umferð.
Í lokin verður gefin út tilmæli þar sem leyfi verður gefið fyrir því að afnema kyrrsetningu flugvélanna og í kjölfarið gefin
út flughæfnisvottun sem hægt verður að fá í gildi um leið og búið er að uppfæra og undirbúa hverja Boeing 737
MAX þotu sem hefur verið kyrrsett frá því í mars árið 2019.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.