flugfréttir
Iran Air setur 12 antík-þotur á uppboð
- Lægsta boð byrjar í 548.000 krónum á hverja þotu
Meðal þeirra flugvélar sem Iran Air ætlar að setja á uppboð eru þotur af gerðinni Boeing 747-100, Boeing 747SP, Boeing 727 og Airbus A300
Iran Air hefur ákveðið að freista þess að selja 12 gamlar farþegaþotur á uppboði en meðal flugvéla sem flugfélagið íranska ætlar að setja á uppboð eru nokkrar júmbó-þotur og þar af nokkrar af gerðinni Boeing 747SP auk tveggja þotna af gerðinni Boeing 727.
Nokkurnveginn má segja að hver sem er getur prófað að bjóða í flugvélarnar en uppboðsverð í hverja þotu byrjar á 4.000 dölum sem samsvarar 548.000 krónum.
Hinsvegar er vandamálið að mun dýrara er fyrir hæstbjóðanda að nálgast þoturnar og sækja þær þar sem flestar flugvélarnar eru ekki í flughæfu ástandi, varahlutir í þær dýrir og rándýrt að fá útgefna lofthæfisvottun. Þá er mjög mikil vinna og langt ferli að koma þotunum á nýjan stað og kemur fram að rekstarkostnaður við hverja þotu á þessum aldri sé í kringum 4 milljónir króna á klukkustund.
Þær þotur sem verða boðnar upp eru af eftirfarandi gerð:
- 1 x Boeing 747-100
- 1 x Boeing 747-200
- 3 x Boeing 747SP
- 3 x Airbus A330
- 2 x Airbus A310
- 2 x Boeing 727
Vegna viðskiptahafta á Íran af hálfu vestrænna ríkja hefur Iran Air ekki getað keypt varahluti í þessar flugvélar sem hafa verið að grotna nánast niður á flugvöllum í landinu.
Iran Air hafði lagt inn stóra pöntun til Airbus í nýjar farþegaþotur árið 2016 og stóð þá til að endurnýja flotann en ríkisstjórn Donald Trumps kom í veg fyrir þau kaup með aðgerðum varðandi viðskiptahöftin.
Aðeins 45 eintök voru smíðuð af Boeing 747SP júmbó-þotunum og mátti þær finna í flota Pan Am, Qantas og Trans World Airlines (TWA).
Fram kemur að mörg ljón séu í veginum fyrir hæstbjóðanda þar sem mjög vafasamt er með þær greiðsluleiðir sem eru í boði, ósennilegt að einhver að þessum flugvélum séu í flughæfi ástandi, auk þess sem að ólöglegt er fyrir bandarískan ríkisborgara að kaupa flugvél frá Íran hvort sem tilgangurinn sé að nota þær í varahluti eða gera þær lofthæfar.
Sjaldgæfasta og áhugaverðasta flugvélartegundin af þessum tólf þotum er án ef Boeing 747SP þoturnar en þær voru styttri útgáfa af júmbó-þotunni sem Boeing kom með á markaðinn árið 1976 og var það Pan Am sem fékk fyrsta eintakið af þeirri þotu afhenta.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.