flugfréttir
Greenpeace reynir að koma í veg fyrir ríkisaðstoð til KLM
- Segja ekki nægilega skýra stefnu til staðar varðandi umhverfismál hjá KLM
14. september 2020
|
Frétt skrifuð kl. 12:36
Grænfriðingur mótmæla við kyrrsettar flugvélar KLM
Umhverfissamtökin Greenpeace ætla að gera tilraun til þess að koma í veg fyrir og stöðva af 540 milljarða króna fjárhagsaðstoð sem hollenska ríkisstjórnin ætlar að veita KLM Royal Dutch Airlines á þeim forsendum að skortur sé á stefnu varðandi kolefnislosun og umhverfismál hjá flugfélaginu.
Þessar fyrirhuguðu aðgerðir Grænfriðinga eru gerðar þrátt fyrir að hollenska ríkið fari fram á skilmála
fyrir ríkisaðstoðinni sem einnig varðar kröfu til félagsins um að draga úr þeim áhrifum sem flugrekstur KLM hefur
á umhverfið.
Ríkisstjórn Hollands samþykkti í júní ríkisaðstoð í formi ábyrgðar og lánveitingu til KLM svo hægt væri að tryggja
rekstur félagsins í gegnum kórónaveirufaraldurinn.
Í málssókn frá Grænfriðingum kemur fram að hollenska ríkið sé ekki að setja nægilega skýra stefnu er kemur að
umhverfissjónarmiðum varðandi flugrekstri KLM í þeim forsendum sem liggja að baki fyrir ríkisábyrgðinni.
Greenpeace fer fram á að ríkisstjórninn leggi til hámarkstölu fyrir KLM sem kvóta af því magni af koltvíoxíð sem flugvélar
félagsins losi út í andrúmsloftið á hverju ári og þarf sú tala að fara lækkandi með hverju árinu.
Dewi Zloch, loftslags- og orkumálasérfræðingur hjá Greenpeace, segir að þetta virki ekki með einhverjum markmiðum um áætlanir um notkun á öðrum orkugjöfum eða lífrænu eldsneyti þar sem þróun á slíkum orkugjöfum miðar alltof hægt.
Zloch segir að þess í stað verði að fækka flugferðum og mælir hann með að best væri að fækka stórlega áætlunarflugi KLM á stuttum flugleiðum innan Evrópu. - „Það er ekki nauðsynlegt að fljúga nokkrar flugferðir á dag frá Amsterdam til borga á borð við Brussel og París“, segir Zloch.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
