flugfréttir
Íhuga að loka Bromma-flugvellinum í Stokkhólmi
- Segja flugvöllinn ekki lengur mikilvægan sökum COVID-19
Sögu Bromma-flugvallarins í Stokkhólmi má rekja aftur til ársins 1936
Sænska flugvallarfyrirtækið Swedavia hefur lýst því yfir að það vilji láta loka Bromma-flugvellinum í Stokkhólmi sökum þess hversu fáir farþegar fara um flugvöllinn sem rekja má til kórónaveirufaraldursins.
Þegar Gústaf fimmti, Svíakongungur, opnaði Bromma-flugvöllinn árið 1936 var flugvöllurinn einn sá fyrsti
í Evrópu til þess að hafa flugbraut með steyptu yfirlagi og jókst flugumferð um völlinn jafnt og þétt eftir
seinni heimstyrjöldina.
Þegar þotuöldin hófst kom í ljós að þotur þurftu mun lengri flugbrautir og var þá ráðist í framkvæmdir
á Arlanda-flugvellinum sem opnaði árið 1962 og tók hann við hlutverki Bromma-flugvallarins sem aðalflugvöllur
fyrir Stokkhólm.
Þótt að Bromma-flugvöllurinn hefur gengt lykilhlutverki sem innanlandsflugvöllur og verið í mörg ár
sá þriðji stærsti í Svíþjóð á eftir Arlanda og Gautaborgarflugvellinum þá hefur í mörg ár verið mikil þrýstingur á að láta loka
flugvellinum og færa alla flugumferð yfir á Arlanda-flugvöll.
Bromma-flugvöllurinn er sá 3. stærsti í Svíþjóð
Stjórnmálamenn, umhverfissinnar og íbúar í nágrenni flugvallarins hafa farið fram á að starfsemi flugvallarins
lýði undir lok og var lagt til að flugvellinum yrði lokað árið 2022 en sænska ríkisstjórnin mótmælti því á sínum
tíma þar sem að flugvöllurinn væri nauðsynlegur fyrir Stokkhólm og hefði hann leyfi til að vera
starfræktur áfram til ársins 2038.
Þessar röksemdir eru í dag taldar vera orðnar úreltar og talið er að fljótlega gætu gröfur og stórvirkar
vinnuvélar mætt á staðinn og hafist handa við að gera grunn fyrir nýjar íbúðir sem eiga að rísa á svæðinu.
Ríkisstjórn Svíðþjóðar hefur á þessi ári látið Swediavia gera úttekt varðandi notagildið fyrir Bromma-flugvöllinn
í ljósi COVID-19 faraldursins og hefur flugvallarfyrirtækið birt niðurstöður sínar.
Douglas DC-7 flugvél frá SAS á Bromma-flugvellinum í apríl árið 1965
Þar segir að vegna breytts ástands í flugmálum sé álitið að áframhaldandi flugstarfsemi á Bromma-flugvellinum
sé ekki lengur nauðsynleg og sé mögulegt að öll starfsemi vallarins gæti mögulega færst yfir á Arlanda-flugvöllinn.
Swedavia hefur samt sett eitt skilyrði fyrir því að Bromma-flugvellinum yrði lokað sem er að tryggja að
Arlanda-flugvöllurinn geti tekið við starfseminni til lengri tíma litið.
Þá hafði sænska ríkið
sett það sem skilyrði að Arlanda-flugvöllur þyrfti að fá eina flugbraut til viðbótar áður en Bromma-flugvellinum
yrði lokað. Boltinn er núna hinsvegar hjá Swedavia sem mun taka lokaákvörðunina.
Í dag eru fimm flugfélög sem fljúga um Bromma-flugvöllinn til 8 áfangastaða en þau eru AirGotland, Air Leap, Amapoly Flyg,
Brussels Airlines og Finnair.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.