flugfréttir
Fokker 50 út af braut í Sómalíu
- Önnur Fokker 50 flugvélin hjá Silverstone Air sem eyðileggst á einu ári
19. september 2020
|
Frétt skrifuð kl. 15:33
Flak Fokker 50 flugvélarinnar við steinvegginn þar sem hún staðnæmdist
Flugslys átti sér stað í dag á flugvellinum í höfuðborg Sómalíu er flugvél af gerðinni Fokker 50 fór út af braut og hafnaði á steinvegg sem liggur milli flugbrautarinnar og strandlengjunnar.
Flugvélin var í fraktflugi og fór hún í loftið frá Aden Adde flugvellinum í Mogadishu nokkrum mínútum áður en skömmu síðar óskuðu flugmennirnir eftir því að snúa við og lenda aftur í Mogadishu.
Er vélin lenti fór hún út af flugbrautinni og hafnaði á vegg við enda
brautarinnar. Um borð voru fjögurra manna áhöfn og komust allir lífs
af en fram kemur að báðir flugmennirnir eru slasaðir.
Flugvélin var á leið til borgarinnar Beledweyne sem er í 300 kílómetra
fjarlægð norður af Mogadishu.
Fokker 50 flugvélin bar skráninguna 5Y-MHT og var hún í eigu
flugfélagsins Silverstone Air í Kenýa. Flugvélin, sem var smíðuð árið 1998,
var fyrst afhent til Luxair en árið 2005 fór hún til Svíþjóðar
þar sem hún var bæði í flota Skyways Airlines og Amapola Flyg.
Flugfélagið Silverstone Air hefur verið undir smásjá hjá flugmálayfirvöldum í Kenýa vegna tíðra flugslysa og atvika og var farið fram á að framkvæma rannsókn á starfsemi félagsins.
Þetta er önnur Fokker 50 flugvél félagsins sem eyðileggst í flugslysi en tæpt ár er síðan að Fokker 50 vél, sem var áður í flota Flugfélags Íslands, eyðilagðist er hún rann út af flugbraut í flugtaki í Nairobi í Kenýa í október 2019.
Flugvélin var í flugrekstri hjá Silverstone Air í Kenýa
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
