flugfréttir
Um 1.300 flugvélum verður skilað til eigenda sinna
- Án COVID-19 hefði leigusamningur á flestum flugvélum verið endurnýjaður
IBA telur að flugfélögin eigi eftir að skila um 1.300 flugvélum til flugvélaleigufyrirtækja á næstu mánuðum
Talið er að flugfélögin eigi eftir að skila yfir 1.000 flugvélum til flugvélaleigufyrirtækja á næstu mánuðum og fram til ársins 2021.
Þetta kemur fram í spá fyrirtækisins IBA (International Bureau of Aviation) sem gerir ráð
fyrir að 1.300 flugvélum og þar af 200 breiðþotum verði skilað til eigenda sinna fram á næsta ár án þess
að neinn nýr leigutaki sé í sjónmáli.
IBA segir að ef kórónaveirufaraldurinn hefði ekki komið upp væru miklar líkur á að leigusamningar á flestum þessum flugvélum hefðu verið framlengdir en vegna ástandsins í
dag sé það mjög ólíklegt.
Fram kemur að sú óvíssa sem ríkir í fluginu eigi eftir að brjóta þá hefð sem upp hefur verið þar sem viðstöðulaust flæði hefur verið á afhendingum á nýjum þotum frá framleiðanda til flugfélags í gegnum flugvélaleigur.
Þá sér IBA fram á mikinn fjölda af strangari reglugerðum og fleiri málaferlum og deilum milli flugfélaga og flugvélaleiga varðandi afhendingar og endurgerða samninga á leigu eftir faraldurinn.
Einnig er séð fram á færri heimsóknir á viðhaldsstöðvar fyrir stuttar skoðanir á flugvélum
og ástandi á hreyflum en slíkar skoðanir voru um 3.200 árið 2019 og var því spáð að þeim
myndi fjölga upp í 4.500 árið 2023. Núna er séð fram á að slíkar skoðanir verði aðeins
um 1.000 í ár og verði 4.500 skoðunum á ári ekki náð fyrr en árið 2026.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.