flugfréttir
800 milljónir í bónusgreiðslur en greiddu ekki starfsmönnum laun
- Avianca greiddi bónusa fimm dögum áður en sótt var um gjaldþrotavernd
Anco van der Werff, framkvæmdarstjóri Avianca, fyrir miðju og Adrian Neuhauser, fjármálastjóri félagsins, til hægri
Kólumbíska flugfélagið Avianca hefur verið harðlega gagnrýnt fyrir að hafa greitt yfirmönnum og stjórnarmeðlimum félagsins rausnarlega bónusa í maí í vor á sama tíma og flugfélagið gat ekki greitt starfsmönnum sínum laun vegna kórónaveirufaraldursins.
Fram kemur að stjórn Avianca hafi greitt stjórnarformönnum samtals 832 milljónir króna í arðgreiðslur en á sama
tíma var félagið einnig að sækja um gjaldþrotavernd vegna þess ástands sem var komið upp í flugiðnaðinum
vegna COVID-19.
Samkvæmt gögnum sem gjaldþrotadómstóll hefur undir höndum kemur fram að flugfélagið
hafi greitt Anco van der Werff, framkvæmdarstjóra félagsins, 513 milljónir í bónusgreiðslur auk þess
sem Adrian Neuhauser, fjármálastjóri félagsins, fékk 388 milljónir í bónusgreiðslu.
Greiðslurnar voru greiddar til þessara yfirmanna þann 6. maí en fimm dögum síðar sótti Avianca um
gjaldþrotameðferðina Chapter 11 í Bandaríkjunum og fór fram á greiðslustöðvun.
Avianca hefur réttlætt þessar bónusgreiðslur og sagt að það hafi verið nauðsynlegt að greiða laun til
þessara yfirmanna svo þeir gætu haldið áfram að starfa sem stjórnendur fyrir flugfélagið en Avianca segir að framkvæmdarstjórinn
og fjármálastjórinn hefðu annars yfirgefið flugfélagið og sótt um aðrar stöður hjá öðrum fyrirtækjum.
Á sama tíma bað Avianca um 20.000 starfsmenn um að taka að sér launalaust leyfi en flest flugfélög
í Suður-Ameríku hafa ekki fengið neina styrki eða ríkisaðstoð líkt og flest flugfélög í Norður-Ameríku og
í Evrópu.
Fram kemur að bónusgreiðslurnar í maí hafi verið aðrar greiðslurnar sem yfirmennirnir hafi fengið á þessu ári en þeir tóku einnig við svipuðum greiðslum fyrr skömmu eftir áramót.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.