flugfréttir
Boeing 787 verður eingöngu framleidd í Suður-Karólínu
- Framleiða síðustu Dreamliner-þotuna í Everett um mitt næsta ár
1. október 2020
|
Frétt skrifuð kl. 19:01
Dreamliner-þotan hefur verið framleidd í Everett frá árinu 2007 en Boeing tók í notkun nýjar verksmiðjur í Suður-Karólínu árið 2010
Boeing tilkynnti í dag um að framleiðslu á Dreamliner-þotunni, Boeing 787, verður hætt í Everett og verður hún því eingöngu smíðuð í verksmiðjunum í North Charleston í Suður-Karólínu.
Boeing tekur fram að þessi ákvörðun hafi verið tekin vegna þeirra áhrifa sem kórónaveirufaraldurinn hefur
haft á flugiðnaðinn og hefur því verið ákveðið að hagræða rekstrinum með því að framleiða Boeing 787 á einum stað.
„Boeing 787 þotan hefur náð gríðarlegum árangri í dag sem má þakka starfsmönnum okkar í Everett sem
náðu að aðstoða við fæðingu á nýrri þotu á sínum tíma sem hefur í dag breytt landslagi flugfélaganna og ferðavenjum farþega“, segir Stan Deal, yfirmaður yfir farþegaþotudeild Boeing.
Dreamliner-þota fyrir Singapore Airlines í samsetningu í North Charleston
Deal segir að til þess að tryggja áframhaldandi farsæld Dreamliner-þotunnar til lengri tíma litið hafi verið
nauðsynlegt að koma framleiðslunni fyrir á einum stað og varð Suður-Karólína fyrir valinu.
„Starfsmenn okkar í Everett munu halda áfram að einblína á Boeing 737, 747, 767 og
Boeing 777 fjölskylduna og á báðum stöðum verður öryggi og gæði Boeing haft að leiðarljósi“, segir
Deal.
Dreamliner-þotan hefur verið framleidd í Everett í um 13 ár eða frá árinu 2007 en nýjar verksmiðjur voru teknar í notkun í North Charleston árið 2010 en þess má geta að stærsta útgáfan af Dreamliner-þotunni, Boeing 787-10, hefur eingöngu verið framleidd þar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
