flugfréttir

Emirates sektað fyrir að virða ekki NOTAM upplýsingar

6. október 2020

|

Frétt skrifuð kl. 19:51

Airbus A380 risaþota Emirates á flugvellinum í Dubai

Bandarísk stjórnvöld hafa sektað Emirates um 55 milljónir króna fyrir að hafa ekki virt NOTAM flugupplýsingar sem gefnar voru út í júní í fyrra þar sem tekið var fram bann við öllu farþegaflugi yfir Íran.

Bannið var sett á af bandarískum flugmálayfirvöldum (FAA) og náði til bandarískra flugfélaga en er varðar Emirates þá flaug félagið með farþega sem voru að ferðast á sameiginlegu flugnúmeri sem deildu miðasölu („codeshared flights“) með bandarískum flugfélögum og náði bannið til slíkra flugferða.

Í NOTAM upplýsingum sem gefnar voru út í júní árið 2019 kom fram að ekki væri heimilt að fljúga í gegnum Teheran flugupplýsingasvæðið (Teheran FIR) sem nær meðal annars yfir Persaflóa og Oman-flóann vegna mikillar pólitískrar spennu og hernaðaraðgerða.

Við nánari rannsókn kom í ljós að Emirates hafði flogið í gegnum umrætt svæði með farþega sem bókuðu flugið í gegnum bókunarsíðu á vegum jetBlue og voru farþegar um borð sem ferðuðust á B6-númeri sem er flugnúmer jetBlue.

„Með því að fljúga farþegaflug með farþega um borð sem flugu með B6 númeri í gegnum lofthelgi sem bandarísk flugmálayfirvöld (FAA) tilgreina sem bannsvæði í NOTAM þá var Emirates að brjóta reglugerðir og þá sáttmála sem koma fram í slíkum reglum“, segir í yfirlýsingu frá samgönguráðuneyti Bandaríkjanna.

Emirates segir að félagið hafi hætt öllu flugi í gegnum Teheran FIR svæðið degi eftir að NOTAM upplýsingarnar voru gefnar út fyrir utan tvær daglegar flugferðir á milli Dubai og Teheran og nokkrum dögum síðar var hætt að taka við farþegum sem bókuðu flugið í gegnum jetBlue.







  fréttir af handahófi

Thai Airways setur 8 þotur til viðbótar á sölu

16. desember 2020

|

Thai Airways hefur ákveðið að setja fleiri flugvélar á sölu í þeim tilgangi að styrkja fjárhagsstöðu flugfélagsins tælenska.

Fyrstu flug Wizz Air Abu Dhabi hefjast 15. janúar

9. desember 2020

|

Wizz Air Abu Dhabi, nýja systurflugfélag Wizz Air, stefnir á að hefja fyrsta áætlunarflugið frá Abu Dhabi í Sameinuðu arabísku furstadæmunum þann 15. janúar eftir áramót.

Hefja aftur lengsta flug í heimi

21. október 2020

|

Singapore Airlines hefur tilkynnt að félagið ætli að hefja aftur lengsta áætlunarflug í heimi sem er flugleiðin á milli Singapore og John F. Kennedy flugvallarins í New York í Bandaríkjunum.

  Nýjustu flugfréttirnar

Flugvarpið: Linda Gunnarsdóttir, yfirflugstjóri hjá Icelandair

14. janúar 2021

|

Linda Gunnarsdóttir, yfirflugstjóri hjá Icelandair, er gestur í nýlegum þætti hjá Flugvarpinu þar sem hún fer yfir það helsta sem hefur verið að gerast hjá Icelandair á árinu 2020 sem var alls ekki g

Norwegian kveður Atlantshafið

14. janúar 2021

|

Norska flugfélagið Norwegian hefur ákveðið að draga sig af markaðnum er kemur að flugi yfir Atlantshafið og hætta við öll áform um áframhaldandi flug milli Evrópu og Norður-Ameríku auk þess sem flug

Eiga ekki von á fyrstu Boeing 777X fyrr en árið 2024

14. janúar 2021

|

Flugfélagið Emirates segir að svo gæti farið að félagið taki ekki við fyrstu Boeing 777X þotunni fyrr en árið 2024 en upphaflega stóð til að afhendingar á Boeing 777X þotunni myndu hefjast í fyrra.

Þota rakst með hreyfil utan í snjóskafl rétt fyrir flugtak

14. janúar 2021

|

Farþegaþota af gerðinni Airbus A321 rakst utan í snjóskafl er hún var að aka í átt að flugbraut fyrir flugtak á flugvellinum í borginni Srinagar í Kashmir-héraði á Indlandi í gær.

Helmingur risaþotna Qatar Airways mun ekki fljúga aftur

13. janúar 2021

|

Flugfélagið Qatar Airways hefur tilkynnt um að allt bendi til þess að helmingurinn af öllum Airbus A380 risaþotum félagsins eigi ekki afturkvæmt í háloftin að loknum heimsfaraldri en fyrir áramót tal

Panta síðustu júmbó-þoturnar áður en framleiðslu lýkur

12. janúar 2021

|

Boeing hefur náð samkomulagi við flugfélagið Atlas Air sem ætlar að panta fjórar júmbófraktþotur af gerðinni Boeing 747-8F en um er að ræða fjórar síðustu júmbó-þoturnar sem Boeing mun framleiða og

Heathrow dettur út af topp 30 listanum yfir þá stærstu

12. janúar 2021

|

Flugumferð um Heathrow-flugvöllinn í London hefur dregist það mikið saman að flugvöllurinn er ekki einu sinni lengur á lista yfir 30 stærstu flugvelli heims er kemur að fjölda flugtaka og lendinga.

Hafa fjármagn til þess að þrauka í 4 mánuði til viðbótar

12. janúar 2021

|

Tælenska flugfélagið Thai Airways segir að félagið hafi fjármagn til þess að halda sér á floti í fjóra mánuði til viðbótar og er séð fram á að flugfélagið nái að þrauka fram í apríl í vor.

Focus Aero Solutions fær leyfi til þjálfunar fyrir áhafnir

11. janúar 2021

|

Íslenska þjálfunarfyrirtækið (ATO) Focus Aero Solutions hefur fengið úthlutað leyfi frá Samgöngustofu er varðar þjálfun fyrir áhafnir og kemst fyrirtækið með því í hóp öflugustu þjálfunarstöðva land

Panta tvær A330P2F fraktþotur frá Airbus

11. janúar 2021

|

Turkmenistan Airlines ætlar að leggja inn pöntun í tvær fraktútgáfur af Airbus A330-200 breiðþotunni en um er að ræða P2F-útgáfu þar sem farþegaþotu hefur verið breytt í fraktþotu.

 síðustu atvik

  2019-01-01 20:20:00