flugfréttir
Í viðræðum við Alaska Airlines um pöntun á fleiri MAX-þotum
10. október 2020
|
Frétt skrifuð kl. 12:48
Alaska Airlines hefur í dag yfir 160 Boeing 737 þotur í flota sínum
Sagt er að Boeing eigi nú í viðræðum við flugfélagið Alaska Airlines um mögulega pöntun í farþegaþotur af gerðinni Boeing 737 MAX.
Þetta er haft eftir þremur aðilum sem eru kunnugir málinu sem segja að
Alaska Airlines sé að íhuga að leggja inn pöntun í Boeing 737 MAX um leið
og flugvélarnar fá leyfi til þess að fljúga á ný.
Alaska Airlines á nú þegar inni pöntun hjá Boeing í 37 þotur af gerðinni Boeing 737 MAX 9 sem félagið pantaði árið 2018 en Alaska Airlines hefur yfir 160 Boeing 737 þotur í flota sínum sem margar eru komnar til ára sinna.
Ef pöntunin verður að veruleika væri um að ræða langþráðan byr undir
báða vængi fyrir Boeing til þess að blása nýju lífi í pantanir í Boeing 737 MAX þotuna eftir yfir eins og hálfs árs kyrrsetningu.
Þá væri einnig um að ræða vissan áfanga í baráttu við Airbus sem hefur
reynt að selja Alaska Airlines Airbus-þotur eftir að félagið tók yfir rekstri
Virgin America árið 2016 og innleiddi á sama tíma yfir 50 Airbus A320 þotur í kjölfarið.
Boeing 737 flugflota Alaska Airlines í dag samanstendur af ellefu Boeing 737-700 þotum, 61 þotu af gerðinni 737-800, tólf 737-900 þotum og 79 af gerðinni Boeing 737-900ER.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
