flugfréttir
Flugumferð í Evrópu fer aftur undir 100.000 flug á viku
- Ferðatakmarkanir draga úr þeim vexti sem hafinn var í sumar
Flugumferð í Evrópu var komin upp í 120.000 áætlunarflugferðir á dag en var í seinustu viku um 99.000 flugferðir
Flugumferð í Evrópu er byrjuð að dragast eilítið saman eftir að hafa náð að aukast töluvert á ný í sumar eftir fyrstu bylgju kórónaveirufaraldursins.
Samkvæmt nýjustu tölum frá evrópsku flugumferðarstofnuninni Eurocontrol þá fór fjöldi flugferða í Evrópu í fyrsta sinn aftur undir 100.000 flugferðir á viku í síðustu viku
eftir að hafa verið yfir 100 þúsund flugferðum frá því í júlí.
Í seinustu viku, frá 4 til 11. október, eru skráðar 99.217 flugferðir í Evrópu samkvæmt mælaborði Eurocontrol eða 14.182 flug á dag en fjöldi flugferða hefur hingað til verið yfir 100.000 flugferðum á viku frá því 29. júlí.
Flestar flugferðirnar voru farnar á vegum Ryanair en í 2. sæti kemur Turkish Airlines og
svo á eftir flug á vegum Air France, Lufthansa, easyJet, KLM og British Airways.
Mælaborð Eurocontrol með upplýsingum um flugferðir í Evrópu frá 4. til 11. október
Eamonn Brennan, yfirmaður Eurocontrol, segir að þetta sýni að bataferlið meðal evrópskra flugfélaga er ekki að ná þeim árangri sem búist var við og sé að draga úr eftirspurninni sökum ferðatakmarkanna sem hafa verið settar á aftur í Evrópu og víðar en einnig spilar inn í árstíðarbundin sveifla.
Að meðaltali flugu flugfélögin um 120.000 flugferðir á viku í Evrópu í ágúst sem taldist um 48% af flugumferðinni sem átti sér stað í ágúst árið 2019 en tölurnar fyrir þennan október eru um 44%
af flugumferðinni í október í fyrra.
Samkvæmt tölum frá Flightradar24.com má sjá að botninum í áætlunarflugi í heiminum var náð seinnipartinn í apríl í vor en fljótlega í maí fór flugumferð að aukast jafnt og þétt á ný þar til í ágúst en í miðjum ágúst mánuði hefur línuritið sýnt „flata línu“ sem hefur verið meira og minna lárétt frá því í byrjun september.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.