flugfréttir
Icelandair mun fljúga til 32 áfangastaða sumarið 2021
- Fljúga allt að 70% af því sætaframboði sem var árið 2019
20. október 2020
|
Frétt skrifuð kl. 18:10
Boeing 757 farþegaþotur Icelandair á Keflavíkurflugvelli
Icelandair hefur birt flugáætlun sína fyrir sumar 2021 og kemur þar fram að félagið stefni á að fljúga til 32 áfangastaða í leiðarkerfi sínu til Evrópu og Norður-Ameríku.
Fram kemur að Icelandair ætli sér að einblína á lykiláfangastaði og veita áfram mikilvæga tengingu yfir Atlantshafið. Leiðarkerfið verður einfaldað og verður sætaframboðið um 25 til 30% minna en var árið 2019 vegna áhrifa af COVID-19 heimsfaraldrinum sem þýðir að framboðið verður um 70 prósent af því sem var sumarið 2019.
Icelandair ætlar að bregðast skjótt næsta sumar við þeim breytingum sem geta átt sér stað á
markaðnum og mögulega auka framboðið ef aðstæður leyfa en ómögulegt er að segja til
um hvernig og með hvaða hætti lönd, bæði í Evrópu og Bandaríkjunum, munu afnema ferðatakmarkaðnir
Séð út um glugga á Boeing 757 þotu Icelandair
Flogið til 22 áfangastaða í Evrópu og tíu í Norður-Ameríku
Þeir áfangastaðir sem flogið verður til í Evrópu eru Osló, Bergen, Kaupmannahöfn, Billund, Stokkhólmur,
Helsinki, Amsterdam, París, Berlín, Hamborg, Frankfurt, Munchen, Genf, Zurich, Brussel, London,
Glasgow, Manchester, Dublin, Madríd, Mílanó og þá bætist við leiðarkerfið Tenerife. Þá mun Icelandair
einnig bjóða upp á reglulegt leiguflug til Alicante.
Til Norður-Ameríku verður flogið til Boston, New York, Seattle, Minneapolis, Washington, Denver,
Chicago, Toronto, Vancouver og Montreal.
Icelandair ætlar að bjóða farþegum upp á mjög sveiganlega bókunarmöguleika og verður
ekki rukkað neitt aukagjald til þess að breyta flugi og verða farþegar færðir yfir á annað flug eða bókaðir með samstarfsflugfélögum
ef flugi er aflýst án aukakostnaðar.
Með þessu ætlar félagið að koma til móts við farþega á þessum tímum þar sem talið er að einhverja
óvissu eigi eftir að gæta á næsta ári vegna heimsfaraldursins.
„Þrátt fyrir erfiðar aðstæður vegna COVID-19 faraldursins þá er nauðsynlegt að horfa til
framtíðar og aðlagast aðstæðum fljótt um leið og ástandið lagast. Sumaráætlunin okkar fyrir árið 2021
endurseglar einmitt það“, segir Bogi Nils Bogason, framkvæmdarstjóri Icelandair.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
