flugfréttir
Hefja aftur lengsta flug í heimi
- Singapore Airlines mun fljúga beint flug frá Singapore til New York JFK
21. október 2020
|
Frétt skrifuð kl. 16:40
Airbus A350 breiðþota Singapore Airlines
Singapore Airlines hefur tilkynnt að félagið ætli að hefja aftur lengsta áætlunarflug í heimi sem er flugleiðin á milli Singapore og John F. Kennedy flugvallarins í New York í Bandaríkjunum.
Fyrsta beina flugið frá Singapore til New York verður flogið þann 9. nóvember næstkomandi og
verður flogið þrisvar í viku en bein fluglína milli borganna tveggja eftir stórbaugslínu mælist 15.338 kílómetrar
og verður flogið nálægt norðurheimskautinu.
Singapore Airlines mun nota langdræga útgáfu af Airbus A350 þotunni til flugsins sem nefnist
Airbus A350-900ULR en flugfélagið er eina félagið í heimi sem hefur fengið slíkar þotur
afhentar frá Airbus og eru sjö þotur af þeirri gerð í flotanum.
Yfir 18 tíma flug með Airbus A350-900ULR breiðþotum
Félagið flaug áður til Newark-flugvallarins í New Jersey og var flugtíminn þá 18 klukkustundir
og 25 mínútur en talið er að áætluður flugtími til Kennedy-flugvallarins verði 18 klukkutímar
og 5 mínútur.
Fyrir kórónaveirufaraldurinn flaug Singapore Airlines til JFK-flugvallarins í New York en það var þá
ekki í beinu flugi þar sem félagið hafði viðdvöl í Frankfurt í Þýskalandi.
Fram kemur að aðalástæða þess að félagið ákvað að byrja að fljúga aftur til New York sé vegna
eftirspurnar eftir fraktflutningum og verður því hægt að bjóða upp á farþegaflug í leiðinni.
„Singapore Airlines finnur fyrir aukinni eftirspurn eftir fraktflutningum frá New York-svæðinu og þá
sérstaklega frá fyrirtækjum sem eru í lyfjaiðnaði, tækniiðnaði og netverslunarviðskiptum“, segir
í tilkynningu frá félaginu.
New York verður því annar áfangastaður Singapore Airlines í Bandaríkjunum í beinu flugi á tímum
heimsfaraldursins en félagið hefur einungis flogið til Los Angeles í beinu flugi þessa daganna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
