flugfréttir
Kynningarflug til að efla traust fólks á 737 MAX
- Flugmenn og flugvirkjar American munu svara spurningum almennings
25. október 2020
|
Frétt skrifuð kl. 16:14
Kyrrsettar Boeing 737 MAX þotur frá American Airlines
American Airlines stefnir á að fljúga sérstakar kynningarflugferðir með Boeing 737 MAX þotunum í nóvember til þess að efla traust almennings á þotunni áður en hún byrjar að fljúga aftur áætlunarflug með farþega.
American Airlines mun bjóða meðal annars starfsmönnum sínum og fjölmiðlum að vera um borð í þessum sérstöku flugferðum
sem munu eiga sér stað á Dallas/Fort Worth flugvellinum, LaGuardia-flugvellinum í New York auk þess sem boðið verður upp á
flug frá flugvellinum í Miami.
Almenningi og áhugasömum gefst einnig kostur á að mæta á þessa flugvelli og skoða MAX-þoturnar auk þess sem hægt verður
að koma með fyrirspurnir sem flugmenn og flugvirkjar munu svara og verður sá spurningafundur sendur út í beinni á Netinu og
geta netverjar einnig spurt spurninga er varðar öryggi Boeing 737 MAX þotnanna.
Um nokkrar flugferðir verður um að ræða og stefnir American Airlines á þær munu eiga sér stað fljótlega
eftir Þakkargjörðarhátíðina en það veltur þó allt á því hvenær bandarísk flugmálayfirvöld (FAA) munu gefa út flughæfnisvottun
fyrir vélarnar sem gæti orðið í næsta mánuði.
Farþegarými um borð í Boeing 737 MAX þotum American Airlines
„Þarna verða réttu aðilarnir viðstaddir sem geta svarað spurningum og útskýrt allt er varðar MAX-vélarnar“, segir Alison Taylor, yfirmaður
yfir þjónustudeild American Airlines.
Fyrstu flugin í áætlunarflugi á vegum American Airlines með Boeing 737 MAX munu hefjast þann
29. desember og mun félagið byrja
á því að fljúga þotunum á milli LaGuardia í New York til Miami í Flórída.
Félagið segir að það mun koma skýrt fram í bókunarkerfinu ef viðkomandi flug er flogið með Boeing 737 MAX svo farþegar geti
brugðist við eða gert breytingar á ferðatilhögun sinni ef þeir treysta sér ekki að fljúga með vélunum og breytt fluginu ef þeir vilja
ferðast með annarri flugvélategund.
American Airlines er eina bandaríska flugfélagið sem stefnir á að byrja að fljúga Boeing 737 MAX á þessu ári en United Airlines
segir að félagið ætli að bíða fram á næsta ári og Southwest Airlines segir að mögulega ætli félagið að fljúga MAX-þotunum næsta vor.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
