flugfréttir
Yfir 190 flugvellir í Evrópu í hættu á að verða gjaldþrota
- ACI Europe varar við gjaldþrotum ef ekki fer að sjá fyrir endann á ástandinu
Margir flugvellir í Evrópu og víðar eru eins og draugaflugvellir með litla flugumferð og fáir á ferli í flugstöðvunum
Tæplega 200 flugvellir í Evrópu eiga hættu á því að verða gjaldþrota ef ekki fer að sjá fyrir endanum á þeirri stöðu sem flugiðnaðurinn hefur verið í frá því í vor vegna COVID-19.
Þetta kemur fram í yfirlýsingu frá Aþjóðasamtökum flugvalla í Evrópu (ACI Europe) sem telja að gjaldþrot blasi við 193 flugvöllum á næstunni ef farþegafjöldi um þá flugvelli fer ekki að aukast almennilega fyrir lok ársins.
Um 277.000 starfsmenn starfa á þessum 193 flugvöllum en ef engin bataummerki eru í sjónmáli í flugmálum munu flugvellir þurfa að hætta starfsemi sinni sem þýðir að hrun verður í flugsamgangnakerfinu í álfunni þar sem flugfélög munu ekki geta flogið til þeirra flugvalla sem hafa
enga þjónustu.
Að meðaltali hefur fjöldi flugfarþega dregist saman um 73% í september um evrópska flugvelli ef miðað er við sama mánuð í fyrra sem svarar að 172.500.000 færri farþegar flugu innan Evrópu í september og hafa því 1.290.000.000 færri farþegar
flogið innan Evrópu frá því í janúar 2020.
ACI Europe segir að áframhaldandi ferðatakmarkanir þegar veturinn er að taka við í Evrópu eigi eftir að gera ástandið enn verra þar sem enn meiri tekjumissir meðal flugvalla blasir við.
Flugstöðvar víða um heim eru nánast auðar í stað þess að vera fullar af farþegum á leið í flug
Samtökin segja að ef ástandið breytist ekki sé nauðsynlegt fyrir ríkisstjórnir Evrópulanda
að grípa í taumana og veita flugvöllum styrki til að tryggja að ekki verði hrun í flugsamgöngum innan Evrópu sem hefur einnig áhrif á rekstur flugfélaga sem bætist þá ofan á þá erfiðleika sem þau eiga við í dag.
Fram kemur að hætta á gjaldþroti eigi einnig við stærstu flugvellina í Evrópu en þeir tuttugu stærstu hafa þegar tapað til samans yfir 3 þúsund og 300 milljörðum
króna vegna kórónaveirufaraldursins.
„Núna, þegar þessi krísa hefur varið í um átta mánuði, þá eru allir flugvellir í Evrópu að brenna upp fé til þess að halda flugvöllunum opnum á meðan litlar tekjur koma
inn til móts við reksturinn. Það að ríkisstjórnir séu að notast við sóttkví í stað þess
að skima farþega jafnóðum fyrir brottför er að ýta flugvöllunum alltaf lengra og lengra
nær barmi gjaldþrots með hverjum degi sem líður“, segir Oliver Jankovec, yfirmaður ACI Europe.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.