flugfréttir
Nýtt flugfélag stofnað í Danmörku
- Airseven mun hefja leiguflug fyrir lok ársins með Boeing 737-400 þotum
Önnur Boeing 737-400 þotan var um mánaðarmótin máluð í litum Airseven á flugvellinum í East Midlands á Englandi
Nýtt flugfélag hefur verið stofnað í Danmörku sem nefnist Airseven en félagið stefnir á að hefja leiguflug fyrir lok ársins.
Airseven ætlar að byrja með tvær Boeing 737-400 þotur en flugfélagið er stofnað í samstarfi við dönsku ferðaskrifstofuna Primo Tours, Copenhagen Air Taxi og Klaus Ren, fyrrum stofnandi danska flugfélagsins Jet Time, sem verður framkvæmdarstjóri Airseven.
Copenhagen Air Taxi mun annast flugreksturinn á sínu flugrekstarleyfi en Boeing 737-400 þoturnar tvær bera skráninguna OY-ASA og OY-ASB og voru þær framleiddar árið 1990 og 1992.
Önnur Boeing 737-400 þotan flaug upphaflega í flota Lufthansa og hefur síðan þá einnig flogið fyrir Sun Express, Air Italy og Blue Air á meðan hin þotan var afhent til norska flugfélagsins Braathens á sínum tíma en hefur einnig flogið fyrir SAS og Blue Air.
Skjáskot af vefsíðu flugfélagsins, airseven.dk
Nú þegar búið að mála aðra þotuna í litum Airseven en sú vinna
fór fram hjá fyrirtækinu Airbourne Colours á flugvellinum í East Midlands á Englandi.
Klaus Ren segir að flugfélagið sé að byrja að leita að starfsfólki í stjórnunarstörf og síðar verði hafist handa við að ráða starfsfólk til flugfélagsins.
Talið er að Airseven, sem verður með bækistöðvar á flugvellinum í Hróarskeldu, muni skapa yfir 100 störf í fluginu í Danmörku á næstunni og þar af 50 stöðugildi sem munu tengjast rekstri félagsins óbeint.
„Þetta kann að vera undarlegir tímar til þess að stofna nýtt flugfélag en við höfum trú á því að það sé pláss fyrir lítil flugfélög og þá sérstaklega þau sem eru sveigjanleg“, segir Bjarke Hansen, framkvæmdarstjóri Primo Tours.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.