flugfréttir
Kona sem faldi sig á First Class olli 3 tíma seinkun á flugi
- Ætlaði að setja uppátækið á Youtube en var dregin frá borði af lögreglu
Þriggja tíma seinkun varð á fluginu frá Dallas/Fort Worth til Miami sl. föstudag
Þriggja tíma seinkun varð á flugi hjá American Airlines sl. föstudag frá Dallas til Miami eftir að kona á almennu farrými ákvað að fela sig um borð í flugvélinni á fyrsta farrými til þess að sitja með vini sínum sem átti sæti á First Class.
Þegar hafði orðið 90 mínútna seinkun á fluginu eftir að flugvallarökutæki frá flugvallareldhúsi rakst utan í dyr á útgangi á Boeing 777-200 þotunni en þegar kom að því að hefja brottför kom í ljós að það vantaði einn farþega sem var ekki í
sætinu sínu.
Flugfreyja um borð gaf því gaum að eitt sætið á almenna farrýminu var tómt en eins undarlega og það
hljómar þá var flugvélin fullbókið sem sjaldgæft er á tímum heimsfaraldursins og hófst því leit að
farþega sem var ekki í lengur í sætinu sínu.
Konan fannst eftir langa leit og kom í ljós að hún hefði ákveðið að lauma
sér inn á First Class farrýmið til þess að sitja með vini sínum og ætlaði konan að gera tilraun til þess að sjá hversu lengi hún gæti verið á First Class án þess að einhver tæki eftir því.
Boeing 777-200ER þota frá American Airlines
Konan ætlaði að taka allt uppátækið upp á símann sinn til að setja á Youtube-rásina sína til þess að fá aukna athygli og fjölga fylgjendum og kom hún sér fyrir í fótarými undir afþreyingarskjánum í sætisbásnum þar sem vinur hennar sat.
Áhöfn vélarinnar kallaði nafn konunnar upp í kallkerfinu um borð og tilkynnti henni að flugvélin færi ekki í loftið
fyrr en hún myndi fara aftur í sætið sitt. Þegar konan heyrði það ákvað hún að standa upp og snigla sér til baka í sætið
óséð en gekk beint í fasið á áhafnarmeðlimum.
Flugstjórinn var kallaður til og gerði hann flugvallaryfirvöldum viðvart og tilkynnti að það hefði komið upp öryggismál
um borð og ákvað hann að snúa vélinni aftur að brottfararhliðinu.
Konan brást mjög illa við því að hún fengi ekki að fara með flugvélinni og tók af sér andlitsgrímuna og sagði að þetta
væri „vanvirðing“ og sagði að hún hefði eytt nógu miklum pening í farmiðann og að hennar biði barn heima.
Konan faldi sig í fótarýminu undir afþreyingarskjánum
Þegar hún var beðin um að yfirgefa flugvélina neitaði hún því og kom flugstjórinn aftur út úr stjórnklefanum og sagði
henni að fara úr flugvélinni en hún segir þá við flugstjórann að hún sé ekki að fara neitt.
Flugstjórinn neyddist þá til þess að kalla til lögreglu sem kom á staðinn og dró konuna frá borði. Við það brást annar
farþegi illa við uppátækinu og hreytti hann frá sér óorðum í áhöfnina og fjarlægði lögreglan þann farþega einnig frá borði.
Yfir 100 kílóum léttari gat Boeing 777 þotan loks hafið sig á loft og lenti hún í Miami þremur tímum á eftir áætlun.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.