flugfréttir
Bókuðu flug til þess að komast á barinn en slepptu fluginu
- Eini barinn á Írlandi sem er opinn er á flugvellinum í Dublin
Írarnir fjórir bókuðu flug fyrir 1.600 krónur með Ryanair einungis til þess að geta fengið sér bjór á barnum The Angry Bartender
Fjórir Írar hafa vakið töluverða athygli um helgina eftir að þeir gengu skrefinu lengra til þess að komast á eina barinn sem er opinn á Írlandi vegna útgöngubannsins.
Á meðan fjöldi tilvika af kórónaveirutilfellum á Bretlandseyjum er í hæstu hæðum, með yfir 20.000 ný smit á dag í Bretlandi í gær en þó töluvert færri á Írlandi, þá tók mánaðarlangt útgöngubann í gildi á Bretlandi í seinustu viku og sex vikna útgöngubann á Írlandi tók í gildi nýlega.
Írar hafa lengi verið þekktir fyrir að vera duglegir að stunda bjórdrykkju og sækja kráarmenninguna en í dag er það ekki hægt í landinu og verður ekki fyrr en 2. desember næstkomandi í fyrsta lagi.
Það þýðir að öllum krám hefur verið lokað á Írlandi en fjórir Írar komu
auga á gloppu í kerfinu þar sem barir, veitingastaðir og verslanir á flugvellinum í Dublin eru opnar fyrir þá fáu farþega
sem eru á faraldsfæti.
Skjáskot af stöðunni á Facebook
Barirnir á flugvellinum í Dublin, sem eru þeir örfáu sem eru opnir á Írlandi, eru hinsvegar staðsettir á öryggissvæði
flugvallarins sem þýðir að þeir sem vilja setjast og fá sér bjór þurfa að eiga bókað flug.
Það stoppaði þó ekki fjóra bjórþyrsta félaga sem bókuðu sér flug frá Dublin með Ryanair en voru þó minnst að spá í fluginu og hefur
færsla frá þeim á Facebook farið eins og eldur í sinu á samfélagsmiðlum þar sem þeir státa sig af því að hafa fundið
gloppu til þess að fara á barinn.
Ljósmynd af fjórum bjórum á barborði á barnum The Angry Bartender hefur vakið mikla athygli og segir í meðfylgjandi texta frá félögunum fjórum: „Þegar
barirnir eru lokaðir og sá eini sem afgreiðir bjór er á flugvellinum þá er bara að bóka flug fyrir 9 evrur (flug sem þú ert ekkert að spá
í að nýta þér) og fá þér bjór með vinunum“.
Talsmaður flugvallarins í Dublin segir að það sé hluti af nauðsynlegri þjónustu á flugvellinum að hafa verslanir, veitingastaði og bari
opna en ætlast er til að þeir sem nýti sér þá þjónustu séu á leið í flug.
Talsmaðurinn segir að flugvöllurinn muni hafa auga með hvort
það séu einhverjir á flugvellinum í öðrum tilgangi en til þess að fara í flug og gæti slíkt varðað við lög.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.