flugfréttir
Neytti áfengis og fíkniefna nóttina fyrir flug til Kanarí
- Flugmaður hjá Norwegian dæmdur í 75 daga fangelsi
15. nóvember 2020
|
Frétt skrifuð kl. 21:32
Boeing 737 þota frá Norwegian á flugvellinum í Tromsø í Noregi
Norskur flugmaður hefur verið dæmdur í 75 daga óskilorðsbundið fangelsi eftir hafa neytt bæði áfengis og fíkniefna nóttina áður en hann átti að fljúga farþegaþotu af gerðinni Boeing 737-800 til Kanaríeyja.
Fram komur að flugmaðurinn, sem flaug fyrir Norwegian, hafði neytt mjög mikils magns af áfengi og kókaíni áður en hann mætti út á flugvöllinn í Tromsø fyrir sex klukkustunda flug til Las Palmas þann 22. febrúar á þessu ári.
Flugmaðurinn, sem er á fertugsaldri, var stöðvaður af yfirvöldum
á flugvellinum í Tromsø þar sem hann var látinn gangast undir vímuefnapróf og féll hann á blástursprófi og var því næst færður á annan stað til þess að gefa þvagprufu
og blóðprufu og mældist vínandi í blóði hans 0.5 prómil.
Við réttarhöld sagði flugmaðurinn að hann hefði ekki grunað að hann væri ennþá undir áhrifum en dómurinn telur að hann hefði átt að gera sér grein fyrir því að hann væri enn með vímuefni
í líkamanum og hefði því átt að sleppa því að mæta til vinnu. Flugmaðurinn játaði brot sitt umsvifalaust
og samþykkti dómsúrskurðinn.
Þá segir að hann hafði sýnt vítagert gáleysi að ætla sér að fljúga þotu með yfir 180 farþegum um borð
í þessu ástandi í ljósi þeirra ströngu laga og reglugerða er snúa að neyslu vímuefna meðal
áhafna í fluginu.
Farið var fram á að flugmaðurinn yrði sviptur réttindum sínum til atvinnuflugs en dómari
taldi það ekki vera í höndum dómstóla að ákveða slíkt.
Samkvæmt norskum reglugerðum í atvinnuflugi, líkt og í sambærilegum lögum í öðrum löndum, þá
má ekki fljúga eða stýra loftfari eftir að hafa neytt vímuefna eða áfengis og er miðað við 0.2 prómil
en flest flugfélag hafa sínar eigin reglugerðir sem oftast eru strangari og engin þolinmæði til staðar fyrir slíkri framkomu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
