flugfréttir
Boeing 737 MAX komið með flughæfnisvottun á ný frá FAA
- 737 MAX þoturnar geta hafið flug á ný í Bandaríkjunum
18. nóvember 2020
|
Frétt skrifuð kl. 13:01
Boeing 737 MAX 7 tilraunarþota Boeing
Bandarísk flugmálayfirvöld (FAA) hafa aflétt flugbanni Boeing 737 MAX þotunnar með endurútgáfu á flughæfnisvottun vélarinnar eftir 20 mánaða kyrrsetningu.
Fréttir af þessu voru að berast núna í hádeginu og geta þau flugfélög í Bandaríkjunum, sem hafa Boeing 737 MAX, í flota
sínum farið að huga að því að hefja áætlunarflug með MAX þotunum að nýju um leið og þau hafa lokið við
viðeigandi skoðun sem þarf að fara fram á þeim flugvélum sem hafa verið í geymslu.
Þá er skilyrði að hver Boeing 737 MAX þota gangist undir sjö skrefa undirbúningsskoðun (Pre-Operational Readiness Flight Audit) sem felst í því að setja upp þær uppfærslur sem Boeing hefur unnið að í samstarfi við flugmálayfirvöld sem
snýr af MCAS-kerfinu og áfallshornsskynjurum og þarf því að vera lokið áður en flugfélög geta hafið farþegaflug með
Boeing 737 MAX.
Fáir áttu von á því að kyrrsetning Boeing 737 MAX myndi standa svona lengi yfir en vélarnar voru fyrst kyrrsettar
af bandarískum flugmálayfirvöldum þann 13. mars árið 2019 og hafa vélarnar því ekki flogið í 1 ár, 8 mánuði og sex daga.
Boeing hefur í dag afhent 387 þotur af gerðinni Boeing 737 MAX og þá eru um 450 þotur sem búið er að smíða sem bíða
þess að verða afhentar til viðskiptavina en einhver hluti af þeim þotum hafa flugfélög hætt við og bíða þær eftir nýjum eigendum.
Þetta græna ljós sem búið er að gefa á þó aðeins við þær Boeing 737 MAX þotur sem skráðar eru í Bandaríkjunum og
eru á svokallaðri N-skráningu og nær það einnig yfir aðrar 737 MAX þotu sem fljúga inn í bandaríska lofthelgi en flugmálayfirvöld
í öðrum löndum þurfa svo í framhaldinu að taka sína eigin ákvarðanir sem talið er að eigi eftir að fylgja í kjölfarið.
Talið er að flugmálayfirvöld í Kanada eigi eftir að gefa næsta græna ljós fyrir Boeing 737 MAX þar sem kanadísk flugmálayfirvöld
tóku sjálf þátt í sameiginlegum flugprófunum og þá er von á því að EASA í Evrópu muni taka ákvörðun á næstunni auk
flugmálayfirvalda í Brasilíu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
