flugfréttir
Staðráðnir í að hefja flug um Heathrow þrátt fyrir höfnun
19. nóvember 2020
|
Frétt skrifuð kl. 11:03
Farþegaþotur easyJet á Tegel-flugvellinum í Berlín
Breska lágfargjaldafélagið easyJet er staðráðið í að geta hafið áætlunarflug um Heathrow-flugvöllinn í London þrátt fyrir að umsókn félagsins um 14 daglegar brottfarir og komur um Heathrow hafi nýlega verið hafnað.
EasyJet hefur í nokkur ár verið með stór áform um að hefja áætlunarflug um Heathrow þegar þriðja flugbrautin
verður að veruleika á flugvellinum en þar sem einhver bið gæti orðið á því þá vonast easyJet eftir að geta fengið
pláss á Heathrow þar sem landslagið í flugiðnaðinum hefur breyst vegna heimsfaraldursins.
Heathrow-flugvöllurinn sjálfur sér ekki um að ákveða hvaða flugfélög fá að fljúga um flugvöllinn heldur fyrirtæki
sem nefnist Airport Coordination Ltd. sem annast úthlutun á því hvaða flugfélög fá pláss á flugvellinum.
EasyJet hefur sótt um leyfi fyrir 98 vikulegum plássum fyrir sumarið 2021 sem samsvarar fjórtán daglegum
brottförum og komum en aðeins Loganair hefur farið fram á fleiri pláss eða alls 138
plássum á viku.
Fæst lágfargjaldaflugfélög hafa flogið til Heathrow þar sem flugvöllurinn hefur verið einn sá annasamasti í Evrópu og erfitt að ná viðsnúningstíma upp á 25 mínútur á svo stórum flugvelli sem flest lágfargjaldaflugfélög miða við í rekstri sínum.
EasyJet hafði séð fyrir sér að vera með 30 þotur staðsettar á Heathrow-flugvellinum og fljúga þaðan til áfangastaða á borð við Aberdeen, Edinborg, Glasgow, Inverness og Newcastle en félagið hefur í dag mestu umsvifin í London á Gatwick-flugvellinum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
