flugfréttir
Sækja um nýtt flugrekstrarleyfi fyrir Flybe
- Einu skrefi nær því að koma Flybe aftur í loftið
Flybe varð gjaldþrota í mars á þessu ári
Breska flugfélagið Flybe hefur færst einu skrefi nær því að komast aftur í loftið eftir að sótt var um flugrekstarleyfi nú dögunum en félagið varð gjaldþrota í mars á þessu ári.
Það er fjárfestingarfyrirtækið Cyrus Capital sem hefur sótt um flugrekstarleyfi en fyrirtækið var einn
af stærstu hluthöfum í Flybe og keypti það eignir og markaðsímynd Flybe í haust af slitastjórn félagsins.
Þrír stærstu hluthafarnir í félaginu, Cyrus Capital, Virgin Atlantic og Stobart Aviation, gengu
allir frá borðinu í vor og hættu að fjárfesta í Flybe eftir að í ljós kom að ekki var hægt að sannfæra
stjórnvöld um endurreisnaráætlanir fyrir félagið í von um að fá fjármagn upp á 16 milljarða króna
inn í reksturinn sem endaði með gjaldþroti.
Eftir að Cyrus Capital ákvað að gera tilraun til þess að koma félaginu aftur í loftið var fyrirtækið
Thyme Opco stofnað í þeim tilgangi að endurreisa Flybe.
„Flugfélagið er ekki bara velþekkt í Bretlandi heldur var það einnig stærsta svæðisflugfélag
í Evrópu þannig að við munum byrja smátt en ætlum okkur að koma aftur á sterkum flugsamgöngum
og skapa fjölda starfa í flugiðnaðinum“, segir talsmaður félagsins.
Flybe var eitt af stærstu lágfargjaldafélögum Evrópu og ferðuðust um 9 milljónir farþega með félaginu á ári milli 80 flugvalla á Bretlandi og í Evrópu og hafði félagið 40% markaðshlutdeild í innanlandsflug á Bretlandseyjum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.