flugfréttir
Síðasta júmbó-þotan yfirgefur flota Virgin
- „Pretty Woman“ flogið vestur um haf og fer í flota Atlas Air
22. desember 2020
|
Frétt skrifuð kl. 12:32
Á 19 árum, frá árinu 2001, hafði G-VROY flogið 11.800 flugferðir í flota Virgin Atlantic Airways
Breska flugfélagið Virgin Atlantic Airways hefur formlega kvatt Boeing 747 júmbó-þotuna sem hafa sagt skilið við flugfélagið eftir að hafa verið í flota þess í allri 36 ára sögu félagsins.
Virgin Atlantic hætti að fljúga áætlunarflug með júmbó-þotunni í vor og var síðasta flugið með Boeing 747 flogið þann 5. maí sl.
og hefur júmbó-þotunum síðan þá verið flogið í flugvélakirkjugarða reglulega þar til síðasta þotan fór í gær vestur um haf.
Síðasta júmbó-þotan til að yfirgefa flotann var „Pretty Woman“ sem bar skráninguna G-VROY og var henni flogið frá Heathrow-flugvellinum
í London til McCarran-flugvallarins í Las Vegas í Bandaríkjunum.
„Pretty Woman“ á þó áframhaldandi líf í vændum þar sem hún mun fara til nýrra eigenda sem er flugfélagið Atlas Air sem mun taka
hana í rekstur.
„Pretty Woman“ mun fara í flota bandaríska flugfélagsins Atlas Air
Þetta markar einnig endalokin á brottförum með Boeing 747 farþegaþotum frá London Heathrow en British Airways tók einnig allar
sínar júmbó-þotur úr umferð í vor vegna heimsfaraldursins en flugfélagið breska hafði þó áætlað að hafa júmbó-þotuna í rekstri í að minnsta
kosti eitt ár til viðbótar.
„Pretty Woman“ (G-VROY) er 19 ára gömul júmbó-þota af gerðinni Boeing 747-400ER og var hún upphaflega afhent til Alitalia en Virgin
fékk hana í sinn flota í júní árið 2001.
Síðan þá hefur „Pretty Woman“ flogið 11.800 flugferðir fyrir Virgin og þar af 2.600 flug til Orlando í Flórída.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
