flugfréttir
Þotu snúið við eftir að flugmaður missti meðvitund
- Airbus A320neo þotu frá British Airways snúið til Zurich
28. desember 2020
|
Frétt skrifuð kl. 11:18
Airbus A320neo þota frá British Airways
Farþegaþota frá British Airways á leið frá London Heathrow til Aþenu neyddist til þess að snúa við og lenda í Zurich í Sviss á Jóladag eftir að annar flugmaðurinn um borð veiktist og missti meðvitund.
Flugvélin, sem er af gerðinni Airbus A320neo, var í 31.000 feta hæð skammt norður af borginni Zadar í Króatíu þegar aðstoðarflugmaðurinn veiktist skyndilega og ákvað flugstjórinn að snúa við
til London.
Skömmu síðar tilkynnti flugstjórinn að hann ætlaði að lenda á leiðinni af öryggisástæðum þar sem flugmaðurinn hafði misst meðvitund þegar þotan var yfir Sviss.
Flugstjórinn tilkynnti að annað hvort myndi hann lenda í Zurich eða í París en Zurich varð fyrir valinu og lenti flugvélin þar um einni
og hálfri klukkustund eftir að henni var snúið við nálægt Króatíu.
Flugvélinni var lagt á stæði og var hún í 5:30 klukkustundir á jörðu niðri áður en hún hélt för sinni áfram
til Aþenu með seinkun upp á níu klukkustundir.
Talsmaður British Airways segir að á engum tímapunkti hafi farþegar verið í hættu og kemur fram að
flugmaðurinn sem veiktist hafi náð sér á fullu og hafi hann verið fluttur aftur heim til Bretlands.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
