flugfréttir
Sjötíu farþegar enduðu á röngum áfangastað í Nepal
- Klúður við tilfærslur og breytingu á flugnúmeri í Kathmandu orsökin
ATR flugvél frá Buddha Air á flugvellinum í Pokhara í Nepal
Farþegum sem höfðu flogið með flugvél hjá flugfélaginu Buddha Air var mjög brugðið á dögunum er þeir gengu frá borði eftir innanlandsflug í Nepal og komust að því að þeir voru á allt öðrum stað miðað við áfangastaðinn sem þeir höfðu bókað flug til.
Flug U4505 með Buddha Air var áætlað frá höfuðborginni Kathmandu
eftir hádegi til borgarinnar Janakpur þann 18. desember sl. með flugvél
af gerðinni ATR-72 en slæmt veður
hafði ollið tölverðri röskun á flugi í Kathmandu og höfðu nokkur flugfélög
þurft að breyta flugáætlun sinni snögglega og finna tækifæri til þess að koma flugvélum
í loftið eftir því hvernig viðraði.
Seinka þurfti fluginu með Buddha Air til Janakpur en flugfélagið hafði breytt
flugnúmerinu og fékk starfsfólk flugvallarins beiðni um að koma öllum farþegum
um borð í aðra vél með flugnúmerinu U4505 sem átti að koma þeim áfangastað.
Hinsvegar þá voru allir farþegarnir 69 aðeins færðir til á pappírum en áhöfnin var að undirbúa vélina fyrir flug til borgarinnar Pokhara sem er í 250 kílómetra fjarlægð frá Janakpur.
Fram kemur að flugmennirnir og áhöfn vélarinnar hafi ekki haft neina hugmynd
um að verið var að koma farþegum um borð í flugið til Pokhara sem höfðu
áform um að ferðast til Janakpur.
Til stóð að flugvélin myndi fljúga til baka
til Kathmandu og síðan fljúga flugið til Janakpur en ákveðið var að fljúga fyrst
til Pokhara þar sem notast þurfti við sjónflugsskilyrði til þess áfangastaðar.
Buddha Air sendi frá sér yfirlýsingu vegna atviksins með afsökunarbeiðni
og kemur fram að flugvélin hafi komið öllum farþegum aftur um borð og flogið
þeim beint frá Pokhara til Janakpur eftir að eldsneyti var bætt á vélina.
„Við hjá Buddha Air trúum því að öll mistök geri okkur öflugri og verður þetta tiltekna atvik rannsakað til að koma í veg fyrir að það endurtaki sig í framtíðinni“, segir í tilkynningu frá félaginu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.