flugfréttir
WestJet verður fyrst til að fljúga 737 MAX á ný í Kanada
Boeing 737 MAX þotur frá kanadíska flugfélaginu WestJet
Kanadíska flugfélagið WestJet hefur tilkynnt að félagið muni hefja aftur áætlunarflug með Boeing 737 MAX þotunum og verður félagið því það fyrsta í Kanada til að fljúga 737 MAX eftir kyrrsetningu.
Ed Sims, forstjóri og framkvæmdarstjóri WestJet, sagði í dag að félagið muni fljúga fyrsta flugið með Boeing 737 MAX
þann 21. janúar næstkomandi þrátt fyrir að enn sé ekki búið að opna lofhelgina yfir Kanada fyrir MAX vélunum en
talið er að það muni gerast á næstu dögum.
„Við erum staðráðin í því að endurheimta traust farþega á þotunum og ætlum við að koma til móts við þá farþega
sem treysta sér ekki strax að fljúga með þeim“, segir Sims og tekur hann fram að farþegar geti séð á hvaða flugleiðum
þoturnar verða notaðar og verður hægt að breyta bókun fyrir þá sem kjósa aðra flugvélategund.
WestJet ætla að nota Boeing 737 MAX þoturnar fyrst um sinn í áætlunarflugi á milli Toronto og Calgary í að minnsta
kosti fjórar vikur og verður metið eftir það til hvaða áfangastaða verður flogið næst með 737 MAX.
WestJet hefur fengið 13 þotur afhentar af gerðinni Boeing 737 MAX 8 og á félagið enn eftir að fá níu
til viðbótar og 22 þotur af gerðinni Boeing 737 MAX 7 og þá á eftir að afhenda tólf þotur af gerðinni
Boeing 737 MAX 10.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.