flugfréttir

Umsóknir streyma inn til flestra flugskóla vestanhafs

- Fjölmennari bekkir hjá mörgum flugskólum í heimsfaraldrinum

10. janúar 2021

|

Frétt skrifuð kl. 14:42

Margir flugskólar í Bandaríkjunum segja að aðsókn í flugnám hafi ekki dregist saman í heimsfaraldrinum og frekar aukist ef eitthvað er

Flest bendir til þess að töluverð aukning sé að verða í flugnám vestanhafs þrátt fyrir ástandið í flugiðnaðinum og hafa flestir flugskólar í Bandaríkjunum tilkynnt um að þeir séu að sjá fleiri umsóknir samanborið við tímann fyrir heimsfaraldurinn.

Samtök flugvélaeigenda og einkaflugmanna í Bandaríkjunum (AOPA) taka í sama streng og segja að þeir hafi orðið varir við aukningu í aðsókn í flugnám meðal margra flugskóla.

Þrátt fyrir þessi tíðindi þá kemur fram að erfitt sé að átta sig á tölfræðinni þar sem fá gögn eru til staðar og segir AOPA að þeir hafi ekki neinar upplýsingar um umsóknir í flugnám meðal flugskóla sem hægt er að bera saman við fyrri tímabil og þá segja bandarísk flugmálayfirvöld (FAA) ekki hafa slíkar upplýsingar heldur sem hægt er að rýna í til þess að sjá hversu mikil aukning hefur orðið á umsóknum í flugnám.

Hinsvegar nefna þeir sem þekkja til að eftirspurn eftir verklegu flugnámi sé mjög mikil og er talið að ástæða þess sé sú að flugnemar gera flestir ráð fyrir að flugfélögin eigi eftir að byrja að ráða flugmenn á ný um leið og flugfélögin hafa jafnað sig eftir heimsfaraldurinn.

Fjölmennasti bekkur á haustönn

„Við erum öll mjög hissa að sjá þennan hóp af fólki sem eru að koma til okkar“, segir Owain Gibbes, yfirflugkennari við F.I.T. Aviation flugskólann í Melbourne í Flórída í Bandaríkjunum en hann tekur fram að bekkirnir í skólanum á haustönn árið 2020 og á vorönn 2021 séu þeir stærstu sem þeir hafa haft frá upphafi.

„Við enduðum með 95 nýja nemendur síðasta haust. Þetta var einn stærsti bekkur sem við höfum séð á haustönn í að minnsta kosti þrjú ár“, segir Gibbes.

Flestir bekkir í flugnámi hjá flugskólanum Embry-Riddle hafa verið þétt setnir í heimsfaraldrinum

Sumir flugskólar vestanhafs ákváðu að loka í nokkrar vikur og mánuði fljótlega eftir byrjun síðasta árs þegar heimsfaraldurinn hófst en flestir þeirra opnuðu aftur um sumarið vegna aðsóknar og voru margir flugskólar sem tilkynntu að þeir voru önnum kafnir við að taka við nýjum nemendum.

„Ég heyrði frá næstum því öllum flugskólum að það væri mun meira að gera hjá þeim heldur en fyrir heimsfaraldurinn“, segir Chris Moser hjá AOPA, sem bætir því við að flestir flugskólanna tilkynni enn í dag að bekkirnir séu þétt setnir.

Margir hafa misst vinnuna og ákveða þá að elta drauminn

Þá segir Moser að hann viti um marga flugnema sem hefðu misst vinnuna sína og ákváðu því að hella sér í flugnámið eða halda áfram með flugnámið sem þeir voru þegar byrjaðir á þar sem þeir höfðu loksins tíma til að sinna því.

Sömu sögu er að segja hjá Embry-Riddle flugskólanum í Daytona í Flórída en þar stunda í dag um 1.200 nemendur flugnám og segir Kenneth Byrnes, yfirmaður yfir verklegri flugkennslu hjá skólanum, að allir bekkir hefðu verið fullskipaðir á haustönninni í fyrra og séu tölur yfir umsóknir á næstunni mjög góðar.

Talið er að flestir sem leggja stund á flugnám bindi vonir sína við að flugfélögin fari að ráða fljótlega um leið og heimsfaraldurinn er á enda

Byrnes segir að eftir hryðjuverkaárásirnar í Bandaríkjunum árið 2001 varð söguleg lægð í aðsókn í flugnám hjá Embry-Riddle flugskólanum en í þetta skipti hafi engin breyting orðið á umsóknum í flugnám. „Við erum eiginlega ekki að sjá neina breytingu. Eftirspurnin er enn mjög mikil“, segir Byrnes.

Binda vonir við að flugfélögin fari að ráða á fullu eftir nokkur ár

Eins og áður kom fram þá er talið að margir flugnemar binda vonir við að flugfélögin fari að ráða aftur til sín flugmenn á einhverjum tímapunkti en hvenær það verður nákvæmlega veit enginn með vissu en margir sérfræðingar telja að flugiðnaðurinn eigi ekki eftir að ná sömu hæðum líkt og árið 2019 fyrr en árið 2024.

Á meðan geta flugnemar því notað tímann í að klára flugnámið, safna sér flugtímum og klárað öll þau réttindi sem til þarf svo allt sé tilbúið þegar kemur að því að senda inn umsóknir þegar atvinnuauglýsingar frá flugfélögunum fara að birtast á ný.

„Fyrir flugmann þá tekur það alveg að minnsta kosti tvö ár hvort sem er að afla sér þeirra réttinda sem til þarf fyrir atvinnuflug og vera tilbúin með allt þegar flugfélögin byrja aftur að leita“, segir Gibbes.







  fréttir af handahófi

Nafn Air Iceland Connect gæti tekið breytingum

24. nóvember 2020

|

Svo gæti farið að nafn flugfélagsins Air Iceland Connect verði breytt á næstunni eftir að hafa verið í notkun í 3 ár eða frá því að félagið hætti að nota nafnið Flugfélag Íslands árið 2017.

Hafa fjármagn til þess að þrauka í 4 mánuði til viðbótar

12. janúar 2021

|

Tælenska flugfélagið Thai Airways segir að félagið hafi fjármagn til þess að halda sér á floti í fjóra mánuði til viðbótar og er séð fram á að flugfélagið nái að þrauka fram í apríl í vor.

Segjast hafa fundið staðinn þar sem MH370 er að finna

26. október 2020

|

Hópur nokkurra sérfræðinga telja sig hafa fundið enn nákvæmari staðsetningu þar sem malasísku farþegaþotuna er mjög líklega að finna sem hvarf sportlaust fyrir meira en sex og hálfu ári síðan þann 7.

  Nýjustu flugfréttirnar

WestJet flýgur fyrsta flugið í Kanada á ný með 737 MAX

22. janúar 2021

|

Kanadíska flugfélagið WestJet flaug í gær fyrsta áætlunarflugið í Kanada með Boeing 737 MAX eftir 22 mánaða kyrrsetningu og er WestJet þá einnig fimmta flugfélagið í heiminum til að hefja áætlunarflu

Jet2.com og Jet2CityBreaks fljúga til Íslands í sumar

22. janúar 2021

|

Breska flugfélagið Jet2.com og ferðaskrifstofan Jet2CityBreaks ætla að bjóða upp á flug og borgarferðir frá Manchester á Englandi til Íslands sumarið 2022 en flogið verður á milli Keflavíkurflugvall

AERO flugsýningunni frestað fram á sumar

21. janúar 2021

|

Búið er að fresta flugsýningunni AERO sem fram átti að fara í apríl í þýsku borginni Friederickshafen.

Nauðlenti á hraðbraut í Texas

21. janúar 2021

|

Lítil eins hreyfils flugvél neyddist til þess að lenda á hraðbraut í Texas í Bandaríkjunum í gær eftir að upp kom bilun í mótor.

KLM aflýsir öllu langflugi tímabundið

21. janúar 2021

|

Hollenska flugfélagið KLM Royal Dutch Airlines ætlar að fella niður allt langflug tímabundið til annarra heimsálfa til og frá Amsterdam frá og með morgundeginum.

Norska ríkið reiðubúið að aðstoða Norwegian

21. janúar 2021

|

Norska flugfélagið Norwegian hefur lýst því yfir að ríkisstjórn Noregs ætli sér að styðja við bakið á flugfélaginu með fyrirhugaðri fjárhagsaðstoð.

IAG mun kaupa Air Europa fyrir helmingi lægra verð

20. janúar 2021

|

International Airlines Group (IAG), móðurfélag British Airways, mun kaupa spænska flugfélagið Air Europa fyrir helmingi lægra verð en upphaflega stóð til að greiða fyrir félagið þegar tilkynnt var u

Titan Airways fær sína fyrstu Airbus A321P2F fraktþotu

19. janúar 2021

|

Breska flugfélagið Titan Airways verður annað flugfélagið til þess að taka í notkun fraktþotu af gerðinni Airbus A321 sem hefur verið breytt úr farþegaflugvél til þess að flytja eingöngu vörur.

Hlutafé Isavia aukið um 15 milljarða

19. janúar 2021

|

Gengið var frá 15 milljarða króna hlutafjáraukningu á hluthafafundi Isavia sem haldinn var þann 12. janúar síðastliðinn en hlutafjáraukningunni er ætlað að mæta rekstrartapi vegna COVID-19

Rann út af braut við flugprófanir

19. janúar 2021

|

Irkut MC-21 tilraunarþota frá rússneska flugvélaframleiðandanum United Aircraft Corporation rann út af braut í gær í Rússlandi er flugvélin var í flugprófunum.

 síðustu atvik

  2019-01-01 20:20:00