flugfréttir
Nýtt flugfélag fær fyrstu E190 þotuna frá NAC á Írlandi
- Breeze Airways stefnir á að hefja flugrekstur á þessu ári
3. febrúar 2021
|
Frétt skrifuð kl. 15:19
Fyrsta Embraer E190 þotan fyrir Breeze Airways
Írska flugvélaleigan Nordic Aviation Capital hefur afhent fyrstu Embraer E190 þotuna til bandaríska flugfélagsins Breeze Airways.
Breeze Airwaye er nýtt flugfélag sem stefnir á að hefja starfsemi á þessu ári en félagið, sem hefur höfuðstöðvar sínar í Utah í Bandaríkjunum, er stofnað af David Neeleman sem kom meðal annars að stofnun WestJet og JetBlue Airways á sínum tíma.
Embraer E190 þotan er sú fyrsta af þeim fimmtán Embraer-þotum sem Breeze Airways
á von á því að fá á næstunni frá flugvélaleigunni en þotan er 14 ára gömul og var hún í flota Air Canada til ársins
2019 eða þangað til að Nordic Aviation Capital keypti þotuna.
Breeze Airways ætlar sér að einblína á áætlunarflug á milli minni bæja í Bandaríkjunum
sem í dag hafa engar flugsamgöngur og tengja þá við stærri flugvelli.
Félagið hefur nú þegar fengið afhenta eina Embraer E195 þotu og á Breeze Airways von á 29 slíkum til viðbótar
en með 15 þotum af gerðinni Embraer E190 á félagið alls von á því að vera komið með 45 þotur í rekstur
þegar allar þoturnar hafa verið afhentar.
Upphaflega til stóð að félagið myndi heita Moxy Airways en í febrúar í fyrra var tilkynnt að Breeze Airways yrði nýtt nafn félagsins. Til stóð að flugfélagið myndi hefja starfsemi sína árið 2020 en þeim áformum var frestað vegna heimsfaraldursins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
