flugfréttir
Air Namibia gjaldþrota
- Allt áætlunarflug fellt niður og starfsemin stöðvuð frá og með deginum í dag
11. febrúar 2021
|
Frétt skrifuð kl. 12:01
Airbus A319 þotur frá Air Namibia á flugvellinum í Windhoek
Air Namibia hefur stöðvað alla starfsemi sína þegar í stað frá og með deginum í dag og hefur allt áætlunarflug á vegum félagsins verið fellt niður.
Fréttatilkynning var send í gærkvöldi frá félaginu þar sem fram kom að ákveðið hafi verið að binda
endi á rekstur félagsins og fer ríkisstjórn Namibíu fram á að flugfélagið verði tekið til gjaldþrotaskipta.
Öllum flugvélum hefur verið flogið heim til höfuðstöðvanna í Windhoek í Namibíu og þá segir
í tilkynningu frá Air Namibia að lokað hafi verið fyrir bókunarkerfi félagsins og er farþegum gert
að hafa samband í tölvupósti til að fá flugmiða endurgreidda.
Búið var að gera viðsnúningsáætlun fyrir félagið en sökum skulda var sú áætlun ekki samþykkt
og kemur fram að það hefði þurft tæpa 60 milljarða króna til svo að hægt hefði verið að bjarga
rekstri Air Namibia en ríkisstjórn Namibíu hefur á sl. 10 árum þegar sett um 70 milljarða króna
í rekstur félagsins.
McDonnell Douglas MD-11 þota Air Namibia á flugvellinum í Frankfurt í Þýskalandi
Air Namibia var eitt elsta flugfélag Afríku, stofnað fyrir 74 árum síðan eða árið 1946, en rekstur félagsins
hafði gengið mjög brösulega að undanförnu fyrir heimsfaraldurinn en fram kemur að 15 af þeim 19 áfangastöðum
sem félagið flaug til voru ekki að skila félaginu hagnaði.
Þá segir fjármálaráðherra Namibíu að það sem gerði reksturinn mjög erfiðan var ósamræmi í flugflota
félagsins með mörgum flugvélategundum, hár starfsmannafjöldi miðað við umsvif og óhagkvæmar
stjórnunaraðferðir.
Air Namibia hafði tíu þotur í flota sínum af gerðinni Airbus A319, Airbus A330 auk Embraer-flugvéla en
félagið hefur haft margar flugvélategundir í flotanum í gegnum tíðina og þar á meðal þotur af gerðinni Boeing 747,
Boeing 767, Boeing 727, Airbus A340 og McDonnell Douglas MD-11.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
