flugfréttir
Tvær 737 MAX þotur Icelandair komnar heim frá Spáni
- „Mývatn“ og „Búlandstindur“ aftur til Íslands eftir 15 mánaða geymslu
15. febrúar 2021
|
Frétt skrifuð kl. 11:14
TF-ICO („Búlandstindur“) á flugvellinum í Lleida á Spáni í nóvember í fyrra ásamt fleiri Boeing 737 MAX þotum auk Boeing 757-300 þotu félgsins („Þingvellir“)
Icelandair sótti í gær tvær af þeim fimm Boeing 737 MAX þotum sem geymdar hafa verið á Spáni frá því um haustið 2019 og lentu flugvélarnar tvær á Keflavíkurflugvelli á öðrum tímanum eftir hádegi í gær.
Um er að ræða MAX-þoturnar TF-ICN („Mývatn“) og TF-ICO („Búlandstindur“) og mun Icelandair
undirbúa þær næstu vikurnar fyrir sumarvertíðina og er áætlað að þær hefji áætlunarflug
að nýju seinnipartinn í mars eða í apríl en það veltur þó allt á framvindu heimsfaraldursins vegna Covid-19.
Þoturnar hafa verið á Spáni í næstum eitt og hálft ár í langtímageymslu en þeim var flogið
til Spánar sjö mánuðum eftir að Boeing 737 MAX þoturnar voru kyrrsettar víðsvegar um heiminn
og tæpu hálfu ári áður en heimsfaraldurinn skall á í mars 2020.
Boeing 737 MAX vélarnar voru í geymslu á Lleida-Alguaire flugvellinum, skammt suður af landamærum Frakklands og Spánar í
Katalóníu. Vélarnar voru ferjaðar þangað til að geyma þær í hlýrra loftslagi að minnsta kosti fram á vorið 2020
en þá var ekki séð fram á hvaða örlög áttu eftir að dynja yfir heimsbyggðina með meðfylgjandi áhrifum á flugiðnaðinn.
Boeing 737 MAX þoturnar tvær á heimleið á Flightradar24.com í gær um klukkustund fyrir komuna til Keflavíkurflugvallar (merktar með rauðu)
Flugið frá Lleida til Keflavíkur tók um 4 klukkustundir og fóru Mývatn og Búlandstindur í loftið með 20 mínútna
millibili frá Spáni og lentu með sautján mínútna millibili í Keflavík, önnur þotan klukkan 13:12 og hin kl. 13:29.
Flugmennirnir sem flugu TF-ICN („Mývatn“) voru þeir Kári Kárason og Haraldur Baldursson, sem var flugstjóri í þeirri
ferð, á meðan þeir Þórarinn Hjálmarsson og Eiríkur Haraldsson sáu um að fljúga Búlandstindi (TF-ICO) heim.
Icelandair hefur fengið sex Boeing 737 MAX þotur afhentar en af þeim eru fimm af gerðinni Boeing 737 MAX 8
og ein af gerðinni Boeing 737 MAX 9 en þá eru þrjár MAX þotur til viðbótar tilbúnar hjá Boeing sem bíða þess að verða
afhentar til félagsins.
Sjö þotur frá Icelandair á Lleida-Alguaire flugvellinum á Spáni
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
