flugfréttir

Í viðræðum við Boeing og Airbus um kaup á smærri þotum

17. febrúar 2021

|

Frétt skrifuð kl. 12:56

Lufthansa hefur fjórtán Airbus A380 risaþotur í flota sínum

Lufthansa á nú í viðræðum bæði við Boeing og Airbus um möguleg kaup á smærri farþegaþotum þar sem flugfélagið þýska stefnir á að hætta með stórar þotur á borð við Airbus A380 og Boeing 747 vegna breyttra aðstæðna í fluginu.

Þetta kom fram á málþingi sem fram fór í London sl. mánudag þar sem Carsten Spohr, framkvæmdarstjóri Lufthansa, tók til máls en hann tók fram að 29. janúar árið 2020 hafi verið upphafið af áhrifunum af kreppunni er Lufthansa felldi niður allt flug til Kína og í kjölfarið fylgdu fleiri áfangastaðir sem félagið hætti að fljúga til í langflugi.

„Seinasta vor komu dagar þar sem við flugum aðeins með 1 prósent af hefðbundnum farþegafjölda. Á venjulegum degi hafa um 300.000 til 350.000 farþegar flogið með Lufthansa en það komu dagar þar sem það voru aðeins nokkur þúsund farþegar um borð í flugvélunum okkar“, segir Spohr.

Lufthansa þurfti að leggja um 700 flugvélum af þeim átta hundruð sem eru í flotanum og þá voru allar fjórtán risaþoturnar settar í geymslu.

Spohr segir að Lufthansa Group hafi þurft að endurskoða alla rekstrarstefnu fyrirtækisins og hafi heimsfaraldurinn orðið til þess að nauðsynlegt sé að aðlaga flotann eins fljótt og hægt er að nýju umhverfi til þess að lágmarka tapið sem heimsfaraldurinn hefur orsakað.

„Við erum að semja bæði við Boeing og Airbus um pöntun á smærri og hagkvæmari flugvélakosti til að innleiða í flotann og munu þær koma í stað þeirra stóru og eldri flugvéla sem hafa verið í geymslu sem eru Boeing 747 og Airbus A380“, segir Spohr.







  fréttir af handahófi

Ekki stendur til að aflýsa MAKS 2021 flugsýningunni

14. desember 2020

|

Ekki stendur til að aflýsa rússnesku flugsýningunni MAKS sem fram fer á næsta ári þrátt fyrir að búið sé að aflýsa bæði Paris Air Show flugsýninginni og Farnborough flugsýningunni í Bretlandi.

Qatar Airways með flestar A350 þoturnar

4. janúar 2021

|

Qatar Airways er í dag orðið það flugfélag sem hefur flestar Airbus A350 breiðþotur í sínum flota af öllum flugfélögum.

Norwegian kveður Atlantshafið

14. janúar 2021

|

Norska flugfélagið Norwegian hefur ákveðið að draga sig af markaðnum er kemur að flugi yfir Atlantshafið og hætta við öll áform um áframhaldandi flug milli Evrópu og Norður-Ameríku auk þess sem flug

  Nýjustu flugfréttirnar

Fyrsta flug Singapore Airlines með Boeing 737 í 25 ár

5. mars 2021

|

Singapore Airlines hefur hafið aftur áætlunarflug með Boeing 737 þotum eftir 25 ára hlé en félagið hefur eingöngu verið með stórar breiðþotur í flota sínum sl. ár.

Norwegian hættir við 737 MAX

4. mars 2021

|

Norska lágfargjaldarfélagið Norwegian hefur ákveðið að hætta alfarið með Boeing 737 MAX þoturnar og halda sig einungis við Boeing 737-800.

Versta ár í sögu Lufthansa

4. mars 2021

|

Þýska flugfélagið Lufthansa hefur aldrei í 68 ára sögu flugfélagsins orðið fyrir eins miklu tekjutapi líkt og í fyrra en Lufthansa Group tilkynnti í morgun afkomu fyrirtækisins fyrir árið 2020.

Flyr undirbýr sig fyrir samkeppni í Noregi

3. mars 2021

|

Nýja norska sprotaflugfélaginu Flyr hefur tekist að safna um 8.8 milljörðum króna í stofnfé eftir hlutafjárútboð sem fram fór í Ósló og stefnir félagið á að hefja farþegaflug í sumar.

Austrian finnur kaupanda að þremur Boeing 767 þotum

3. mars 2021

|

Austurríska flugfélaginu Austrian Airlines hefur tekist að finna kaupanda að þeim þremur Boeing 767-300ER breiðþotum sem félagið hefur reynt að selja.

Konum í flugnámi fer fjölgandi

2. mars 2021

|

Nemendum við Flugakademíu Íslands fer enn fjölgandi en 268 nemendur stunda nú nám við skólann. Þar af leggja flestir stund á atvinnuflugmannsnám eða 231. Fjórðungur nemenda skólans eru konur en hefur

Sérstök viðurkenning fyrir hreinlæti á Covid-tímum

2. mars 2021

|

Keflavíkurflugvöllur er í hópi með 15 öðrum flugvöllum í Evrópu sem hljóta sérstaka viðurkenningu Alþjóðasamtaka flugvalla (ACI) fyrir hreinlæti á síðasta ári.

United pantar 25 Boeing 737 MAX þotur til viðbótar

1. mars 2021

|

Bandaríska flugfélagið United Airlines hefur lagt inn nýja pöntun til Boeing í 25 farþegaþotur til viðbótar af gerðinni Boeing 737 MAX.

Köttur réðst á flugstjóra í stjórnklefa á Boeing 737 þotu

1. mars 2021

|

Þota af gerðinni Boeing 737 þurfti að snúa við til Khartoum í Súdan í seinustu viku eftir að köttur réðst á flugstjóra í stjórnklefa vélarinnar skömmu eftir flugtak.

Kínverjar ekki tilbúnir að leyfa 737 MAX að fljúga strax

1. mars 2021

|

Flugmálayfirvöld í Kína eru ekki tilbúin til þess að gefa út vottun strax fyrir Boeing 737 MAX þoturnar og aflétta flugbanni vélanna þar í landi.

">

 síðustu atvik

  2019-01-01 20:20:00