flugfréttir
Fyrsta áætlunarflug Icelandair með 737 MAX eftir hlé
- Fyrsta áætlunarflugið með „Mývatn“ var til Köben í morgun
Icelandair er þriðja flugfélagið í Evrópu til þess að hefja á ný áætlunarflug með Boeing 737 MAX þotunum
Icelandair flaug í morgun fyrsta áætlunarflugið með Boeing 737 MAX eftir tæplega tveggja ára kyrrsetningu en fyrsta flugið var flug FI204 til Kaupmannahafnar.
Það var Boeing 737 MAX þotan „Mývatn“ (TF-ICN) sem flaug flugið til Köben og hóf þotan sig á loft frá Keflavíkurflugvelli kl. 7:55 í morgun og
lenti í Kaupmannahöfn kl. 10:38 að íslenskum tíma og er áætlaður brottfarartími aftur heim til Keflavíkur klukkan 13:05.
Næsti áfangastaður þotunnar „Mývatn“ (TF-ICN) verður síðan París kl. 7:35 í fyrramálið en þess má geta að Icelandair er þriðja flugfélagið í Evrópu til þess að hefja aftur áætlunarflug með Boeing 737 MAX þotunum á eftir flugfélögunum TUI og Smartwings.
Mývatn hlaut mikla athygli um helgina er þotunni var flogið sérstakt undirbúningsflug sl. laugardagsmorgun með starfsmenn og stjórnendur Icelandair
um borð en í þeirri flugferð var flogið um suðvesturhluta landsins og hóf þotan sig á loft frá Reykjavíkurflugvelli.
„Mývatn“ (TF-ICN) á Flightradar í morgun kl. 10:01 skammt frá Kristiansand í Noregi á leið til Kaupmannahafnar
Um 12 flugfélög í heiminum eru byrjuð að fljúga Boeing 737 MAX þotunum á ný en það voru bandarísk flugmálayfirvöld (FAA) sem voru fyrst til
þess að aflétta flugbanni vélanna þann 18. nóvember í fyrra og fylgdu evrópsk flugmálayfirvöld (EASA) í kjölfarið þann 27. janúar sl.
Klukkan 11:37 í morgun voru ellefu Boeing 737 MAX þotur í loftinu, ein á vegum flugfélagsins flyDubai, tvær í Brasilíu frá GOL Linhas Aereas, sex
737 MAX þotur frá American Airlines á milli Karíbahafsins og Flórídaskagans og tvær til viðbótar frá American Airlines á New York-svæðinu, báðar á leiðinni
til Miami.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.