flugfréttir
40 prósent færri sækja um flugnám við flugskóla Qantas
23. mars 2021
|
Frétt skrifuð kl. 12:34
Frá Qantas Pilot Academy flugskólanum í Toowoomba í Ástralíu
Þrátt fyrir að gert sé ráð fyrir því að skortur eigi eftir að verða á flugmönnum eftir að heimsfaraldrinum lýkur og að umsóknum í flugnám fari fjölgandi vestanhafs þá er ekki það sama uppi á teningnum allsstaðar í heiminum.
Nýstofnaður flugskóli á vegum ástralska flugfélagsins Qantas segir að umsóknir um flugnám hafi fækkað
um 40 prósent að undanförnu miðað við fjölda umsókna fyrir ári síðan áður en heimsfaraldurinn skall á.
Það var árið 2018 sem að Qantas stofnaði Qantas Pilot Academy og reis fyrsta útibú flugskólans í bænum Toowoomba
sem varð fyrir valinu þar sem sólskinsdagar telja yfir 300 daga ársins að meðaltali.
Þar sem ásókn í flugnám á vegum skólans hefur dregist saman um 40% hefur skólinn ákveðið að draga saman
framboðið og verða aðeins teknir inn 20 prósent af þeim nemendum sem sækja um flugnám í skólanum.
Talið er að þörf verði á 790.000 nýjum flugmönnum í heiminum á næstu 20 árum og er gert ráð fyrir að þriðjungur
þeirra flugmanna verði ráðnir til flugfélaga í Asíu, á Kyrrahafssvæðinu og í Eyjaálfu.
„Flugkennslan mun halda áfram við skólann en ekki á því stigi sem við gerðum ráð fyrir áður en COVID-19 skall á“, segir
Pierre Steyn, rekstrarstjóri Qantas Pilot Academy.
Þá hafa forsvarsmenn skólans ákveðið að bíða með framkvæmdir á öðru útibúi skólans sem til stóð að opna í
Garden City en meðal borga sem hafa óskað eftir því að fá flugskólann frá Qantas til sín eru Alice Springs, Bendigo, Busselton, Dubbo, Launceston, Mackay and Wagga Wagga.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
