flugfréttir
Hafa misst pantanir í 1.200 flugvélar á einu ári
Dreamliner-þotur fyrir framan verksmiðjur Boeing í Everett
Boeing hefur misst pantanir í yfir 1.200 flugvélar á síðustu tólf mánuðum og þar af staðfestar pantanir í 800 flugvélar sem bæði má rekja til heimsfaraldursins og einnig til vandamála með Boeing 737 MAX þoturnar.
Um er að ræða afbókanir frá viðskiptavinum þar sem bæði flugfélög og flugvélaleigufyrirtæki hættu við pantanir í nýjar flugvélar og höfðu afbókanir hrannast upp jafnt og þétt á sama tíma og eftirspurn eftir flugi hefur verið í einni mestu lægð sem um getur í sögu flugsins.
Fyrir lok mars á þessu ári stóð heildarfjöldi þeirra flugvéla sem pantaðar hafa
verið frá Boeing frá upphafi í um 17.000 flugvélum og þar af voru 4.054 flugvélar sem
var búið að panta og á eftir að afhenda.
Fyrir lok mars árið 2020 stóðu sömu tölur í 17.835 flugvélum sem pantaðar höfðu verið
frá upphafi og þar af átti eftir að smíða eða afhenda 5.049 flugvélar.
Séu þessar tölur á milli ára bornar saman sést að viðskiptavinir Boeing hafa á einu
ári hætt við pantanir í 835 flugvélar en í heildina hafa staðfestar pantanir í um 1.200
flugvélar verið fjarlægðar af listanum en afpantanirnar telja um 670 flugvélar og þá
hafa pantanir í 550 flugvélar verið fjarlægðar þar sem ekki hefur verið séð fram á að
viðskiptavinur getur stað við skuldbindingar sínar vegna fjárhagsstöðu.
Af þeim pöntunum sem hafa verið afskrifaðar á síðustu 12 mánuðum sem samsvarar
um 1.200 flugvélum þá voru um 1.000 Boeing 737 MAX þotur inni í þeirri tölu
en hætt var við pantanir í 640 Boeing 737 MAX þotur og þá voru pantanir í 400
þotur til viðbótar afskrifaðar eftir neikvæða útreikninga og breytinga á pöntunarlista.
Meðal þeirra flugfélaga sem hafa hætt við mikinn fjölda af Boeing 737 MAX vélum
eru til að mynda Air Canada, Copa Airlines, Virgin Australia og kanadíska flugfélagið
WestJet og þá hætti Turkish Airlines nýlega við pöntun í 50 MAX þotur.
Þá hefur óvissa með áform norska flugfélagsins Norwegian orðið til þess að ekki
er víst hvað verður um pöntun félagsins í 92 Boeing 737 MAX þotur og þá hafa
flugvélaleigur á borð við AerCAp, Air Lease Corporation, Aviation Capital Group, Avolon, BOC
Aviation, CDB Aviation, GE Capital og SMBC Aviation Capital einnig hætt við einhverjar
Boeing 737 MAX þotur.
Þrátt fyrir þessar afbókanir í 737 MAX þoturnar þá hefur Boeing fengið nýlega töluvert
stórar pantanir upp á móti í þoturnar en Ryanair tilkynnti í desember um pöntun
í 75 fleiri 737 MAX þotur, United Airlines pantaði 25 þotur til viðbótar í febrúar
og þá lagði Southwest Airlines inn pöntun í mars í 100 eintök af Boeing 737 MAX 7 þotunni.
Af þeim 1.200 flugvélum sem hafa verið fjarlægðar af pöntunarlista Boeing þá eru um 140 breiðþotur á þeim lista en hætt hefur verið við pantanir í 67 Boeing 777 þotur og 47 Dreamliner-þotur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.