flugfréttir
Kokkarnir snúa aftur í háloftin hjá Turkish Airlines
11. maí 2021
|
Frétt skrifuð kl. 13:05
Matreiðslumaður um borð í þotu frá Turkish Airlines
Matreiðslumenn, sem matreiða máltíð fyrir farþega um borð, munu snúa aftur í háloftin hjá Turkish Airlines á næstunni.
Turkish Airlines, hefur líkt og mörg önnur flugfélög, ekki boðið upp á mat um borð vegna smithættu á meðan
heimsfaraldurinn hefur verið í gangi en í apríl hóf félagið aftur að bjóða farþegum upp á heita máltíð.
Flugfélagið ætlar að taka skrefið enn lengra á næstunni og verða matreiðslumenn hluti af áhöfninni um
borð í langflugi þar sem flugtíminn er lengri en 8 klukkustundir en kokkarnir munu þó aðeins elda mat fyrir
farþega sem ferðast á Business Class farrými.
„The Flying Chefs er hluti af því sem gerir flugfélagið okkar mjög sérstakt og það gleður okkur mjög að geta
kynnt aftur þessa þjónustu fyrir gesti okkar um allan heim í þeim tilgangi að gera reynslu farþega af fluginu
enn betri og eins þægilega og hægt er“, segir Ilker Ayci, forstjóri Turkish Airlines.
Turkish Airlines hefur oft unnið til verðlauna er kemur að mat um borð og árið 2019
var flugfélagið í 5. sæti á lista Skytrax World Airline Award fyrir veitingar um borð sem rekja má til þeirrar
framreiðsluþjónustu sem félagið býður upp á með kokkunum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
