flugfréttir
Bæta tekjumissinn með því að hækka flugumferðargjöld
- Tapið vegna COVID-19 mun greiðast af flugfélögum sem fljúga um Evrópu
Eurocontrol annast alla flugumferðarstjórnun og flugleiðsöguþjónustu í Evrópu
Talið er að þau flugfélög og þeir flugrekendur sem nýta sér afnot af evrópskri lofthelgi muni bæta upp þann tekjumissi sem orðið hefur á flugumferðarstjórnun vegna heimsfaraldursins með yfirvofandi hækkunum á leiðsögugjöldum.
Talið er að flugmálayfirvöld í flestum Evrópulöndum eigi eftir að hækka flugumferðargjöld en flugfélög og þeir sem hafa
afnot af lofthelgi og flugumferðarsvæðum í Evrópu hafa hvatt lönd til þess að bæta tekjumissinn með því að fá
styrki vegna COVID-19 frá ríkisstjórnum sinna landa í stað þess að láta notendur bæta tapið með því að hækka gjöldin.
Aðildarríki innan Evrópu hafa samþykkt að bæta tekjumissinn með hækkun á gjöldum og er miðað við
þá flugumferð sem var í Evrópu árið 2019 en 60% samdráttur varð í flugumferð árið 2020 miðað við árið á undan.
Tekjumissirinn vegna þessa hljóðar upp á 817 milljarða króna og stendur til að bæta það upp með hækkun
á þjónustugjöldum vegna flugumferðarstjórnunnar en Evrópusambandið hefur hvatt lönd innan Evrópu til
þess að sleppa slíkum hækkunum þar sem rekstur flugfélaga er nógu viðkvæmur fyrir vegna heimsfaraldursins.
„Líkt og flugfélög og önnur fyrirtæki í flugiðnaðinum þá var gert ráð fyrir að flugleiðsögufyrirtæki
myndu einnig lækka gjöld sín til þess að koma til móts við iðnaðinn en þessi fyrirtæki hafa ekki lækkað gjöld sín
frá því faraldurinn hófst“, segir Thomas Reynaert hjá samtökunum Airlines for Europe (A4E).
Reynaert segir að þess í stað sé verið að ákveða að hækka gjöldin sem á eftir að gera bataferlið mun erfiðara
fyrir flugfélög og önnur fyrirtæki í fluginu til að bæta upp fyrir tekjumissinn á meðan flugfélögin í Evrópu
eru sjálf að reyna að ná sér eftir tæplega 5 þúsund milljarða króna tap vegna faraldursins.
„Á meðan flugfélög hafa gjörsamlega lamast fjárhagslega vegna aðstæðna sem er ekki þeim að kenna
þá eru það mikil vonbrigði að lönd innan Evrópu ætli að hefta og hægja á bataferlinu í fluginu sem á eftir
að skapa enn meiri erfiðleika er kemur að flugsamgöngum innan álfunnar“, segir Montserrat Barriga, yfirmaður
European Regions Airline Association (ERA).
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.