flugfréttir
Ryanair vinnur þriðja málið vegna ríkisstyrkja
- Vinnur mál vegna styrkja til þýska flugfélagsins Condor
Þetta er í þriðja sinn sem Ryanair vinnur mál gegn Evrópusambandinu vegna ríkisstyrkja til flugfélaga vegna heimsfaraldursins
Ryanair hefur unnið mál fyrir dómstólum eftir að lágfargjaldafélagið írska kærði ríkisstyrk til þýska flugfélagsins Condor.
Þetta er í þriðja sinn sem að dómur fellur Ryanair í vil í baráttu sinni við að koma í veg fyrir opinbera styrki til samkeppnisaðila sinna í Evrópu vegna heimsfaraldursins en í þetta sinn var dómurinn
kveðinn upp af dómstóli í Lúxemborg.
Niðurstaða dómsins var sú að fjárveiting frá þýska ríkinu til Condor væri ekki
réttmæt er kemur að samkeppnislögum en þrátt fyrir það er Condor ekki gert að
endurgreiða styrkinn.
Með þessu ógildir landsrétturinn í Lúxemborg samþykki Evrópusambandsins
sem hafði gefið grænt ljós fyrir ríkisstyrk frá ríkisstjórn Þýskalands til Condor vegna
ófullnægjandi rökstuðnings fyrir þeim kostnaði sem félagið þurfti fyrir það tímabil
sem félagið var gjaldþrota og skort á útskýringum á fjárhagsþörf félagsins í tenglsum
við flugrekstur þess.
Í fyrra gaf Evrópusambandið leyfi fyrir ríkisstyrki upp á 81 milljarði króna til Condor
en Ryanair kærði niðurstöðuna á þeim forsendum að slík fjárhagsaðstoð væri að stangast
á við samkeppnislög.
„Ef Evrópa á að jafna sig eftir faraldurinn sem eitt markaðssvæði þá þarf Evrópusambandið
að setja stólinn fyrir dyrnar fyrir ríkisstjórnum aðildarlandanna og stöðva mismunun
sem verður til við slíka ríkisstyrki til flugfélaga sem hafa einu sinni verið að halda
úti áætlunarflugi“, segir í yfirlýsingu frá félaginu.
Ryanair hefur höfðað sextán mál gegn Evrópusambandinu vegna útgáfu á leyfum
til ríkisstyrkja til flugfélaga á borð við Lufthansa, Air France og annarra flugfélaga og
hefur Ryanair unnið tvö önnur mál sem varðar styrki til KLM Royal Dutch Airlines og
TAP Air Portugal.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.