flugfréttir
Hefja afhendingar á MC-21 þotunni á næsta ári
Irkut MC-21 þotan verður afhent á næsta ári
Rússneski flugvélaframleiðandinn Irkut stefnir á að afhenda fyrsta eintakið af MC-21 þotunni á næsta ári.
Með þessu vonast Irkut til þess að rjúfa einokun Boeing og Airbus á markaðnum er snýr að meðalstórum farþegaþotum
með einum gangi og veita Boeing 737 MAX og Airbus A320neo samkeppni en þrátt fyrir það hefur ekkert vestrænt flugfélag
lagt inn pöntun í Irkut MC-21 þotuna.
Upphaflega var Irkut MC-21 þróuð af Yakovlev árið 2006 sem er í dag dótturfyrirtæki rússnesku flugvélasamsteypunnar
United Aircraft Corporation. Þotan flaug sitt fyrsta flug árið 2017 en fjöldaframleiðsla hófst í seinasta mánuði á fyrstu
sölueintökunum.
United Aircraft Corporation tilkynnti í síðustu viku að fyrsta þotan yrði afhent árið 2022 og er það rússneska flugfélagið
Rossiya Airlines sem fær fyrstu þotuna afhenta og á flugfélagið von á sex MC-21 þotum árið 2022.
Tólf viðskiptavinir eiga von á samtals 175 eintökum af Irkut MC-21 þotunni en af þeim eru ellefu viðskiptavinir frá Rússlandi
fyrir utan Azerbaijan Airlines. Tveir viðskiptavinir til viðbótar hafa gert samkomulag um kaup á vélunum, eitt rússneskt flugfélag
og hitt flugfélag frá Indónesíu.
Þá hafa fjórir viðskiptavinir hætt við staðfesta pöntun í Irkut MC-21 þotuna, einn viðskiptavinur frá Malasíu, egypska
fyrirtækið Cairo Aviation og rússnesku flugfélögin VIM Airlines og Saratov Airlines.
Þá hafa tvö flugfélög hætt við samkomulag sem þau höfðu gert vegna kaupa á MC-21 þotunni sem er Peruvian Airlines
í Perú og Bek Air frá Kazakhstan.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.