flugfréttir
Fyrsta þota PLAY komin til landsins
15. júní 2021
|
Frétt skrifuð kl. 18:05
Airbus A321neo yfir Reykjavík í dag / Ljósmynd: Birgir Steinar
Fyrsta farþegaþota flugfélagsins PLAY kom til landsins í dag en þotan lenti á Keflavíkurflugvelli klukkan 16:47 eftir ferjuflug frá Chennault International (Lake Charles) flugvellinum í Louisiana í Bandaríkjunum með viðkomu í Bangor í Maine.
Fyrsta þota PLAY er af gerðinni Airbus A321neo og er nýbúið að mála þotuna í litum félagsins sem málningarvinnan
fór fram í Texas í Bandaríkjunum.
Þotan ber skráninguna TF-AEW og er hún þriggja ára gömul en hún var fyrst afhent til mexíkóska flugfélagsins Interjet
árið 2018 en það flugfélag varð illa fyrir barðinu á kórónaveirufaraldrinum og var þotan færð í geymslu í mars í fyrra.
Tvær þotur sömu gerðar voru einnig færðar í geymslu í fyrra sem voru í flota InterJet sem PLAY hefur einnig tryggt sér en þær eru væntanlegar til landsins á næstu dögum.
TF-AEW á Keflavíkurflugvelli eftir komuna / Ljósmynd: Oliver Steinar
Næst tekur við að undirbúa þotuna fyrir sitt fyrsta flug með farþega en fyrsta áætlunarflugið er áætlað þann 24. júní
næstkomandi til London en PLAY mun fljúga á Stansted-flugvöll fyrstu um sinn og síðan er áætlað að hefja flug
til London Gatwick.
Skömmu áður en TF-AEW lenti á Keflavíkurflugvelli tók þotan yfirflug yfir Reykjavík og voru meðal annars teknar myndir
af henni úr lofti úr lítilli Cessnu-flugvél sem var með ljósmyndara um borð.
Meðal áfangastaða sem PLAY stefnir á að fljúga til í sumar fyrir utan London eru Kaupmannahöfn, Alicante, Barcelona,
Berlín, París og Tenerife.
TF-AEW yfir Grafarvogi í dag / Ljósmynd: Birgir Steinar
Myndbönd:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
