Vara við örtröð á evrópskum flugvöllum

- ESB mun taka í notkun stafrænt bólusetningarvottorð á fimmtudag

29. júní 2021

|

Frétt skrifuð kl. 07:23

Farþegar í biðröð á flugvellinum í Faro í Portúgal þann 6. júní sl.

Helstu samtök flugfélaga og flugvalla í Evrópu hafa sent frá sér tilkynningu þar sem varað er við yfirvofandi ringulreið sem á eftir að skapast í evrópskum flugvöllum á næstu mánuðum þar sem skortur er á samræmi er í gildi varðandi stafræn bólusetningarvottorð.

Alþjóðasamtök flugfélaganna (IATA), samtök evrópskra flugfélaga (A4E) auk samtök flugvalla í Evrópu segja að allt stefnir í að mjög langar biðraðir eiga eftir að myndast á flugvöllum ef Evrópulönd undirbúa sig ekki betur er kemur að útgáfu á bólusetningarvottorðum.

Evrópusambandið mun næstkomandi fimmtudag kynna stafrænt bólusetningarvottorð vegna COVID-19 en flugvellir og flugfélög hafa miklar áhyggjur af því hversu tímafrekt það verður ef allir farþega þurfa að framvísa skilríkjunum á flugvöllum.

„Fjöldi flugfarþega á eftir að aukast mikið á næstu vikum og er því mikil hætta á því að ófremdarástand eigi eftir að skapast á flugvöllum í Evrópu“, segir í sameiginlegri yfirlýsingu frá samtökunum.

Stafrænu vottorðin eru hönnuð til þess að hægt sé að skanna þau með QR-kóða og má með því sjá hvort að viðkomandi farþegi sé bólusettur, sé með mótefni gegn COVID-19 eða hefur neikvæða niðurstöðu úr skimun.

Vottorðin eru hönnuð til þess að farþega geti ferðast til og frá Evrópu frá og með 1. júlí

Olivier Jankovec, yfirmaður Alþjóðasamtaka flugvalla í Evrópu (ACI Europe), segir að það séu of mörg atriði sem geta farið úrskeiðis er varðar upplýsingar og skönnun á vottorðunum og segir hann að samtökin, auk fleiri samtaka í flugiðnaðinum í Evrópu, hafi miklar áhyggjur af því sem á eftir að gerast á fimmtudag og sérstaklega þar sem enn er verið að vinna úr þessum upplýsingum skriflega.

Rafael Schvartzman, yfirmaður IATA í Evrópu, segir að nú þegar taki farþega um 3 klukkustundir að fara í gegnum flugvelli í Evrópu sem áður tók eina til eina og hálfa klukkustund fyrir heimsfaraldurinn.

Schvartzman segir að ef sami farþegfjöldi yrði á evrópskum flugvöllum í dag líkt og var fyrir tíma COVID-19 myndi það taka farþega allt að 8 klukkustundir að í gegnum flugvelli miðað við ástandið í dag.