flugfréttir
Vúdú-prestar særðu út illa anda úr þotu sem varð fyrir eldingu
Prestar og vúdúistar mættiu á flugvöllinn í Lomé með sérstakt vatn í fötum til þess að milda reiði þrumuguðsins
Prestar voru kallaðir út á flugvöllinn í Lomé, höfuðborg Afríkuríkisins Togo, á dögunum til þess að særa út illa anda sem hefðu mögulega andsetið Dreamliner-þotu af gerðinni Boeing 787 eftir að hún varð fyrir eldingu rétt fyrir lendingu þar í landi.
Þotan var að koma frá Kennedy-flugvellinum í New York og var í áætlunarflugi til Addis Ababa með viðkomu
í Lomé þann 20. júní sl. en í aðflugi að flugvellinum í Lomé varð þotan fyrir eldingu.
Flugvélin varð fyrir skemmdum sem uppgötvuðust þegar hún kom að flughlaðinu og gat hún því ekki hafið sig að loft á ný til þess að fljúga
legginn til Addis Ababa fyrr en næsta dag.
Landið Togo auk Benín, landa í Karíbahafinu og í Brasilíu, er eitt af þeim löndum þar sem vúdú-trúarbrögð eru iðkuð og
samkvæmt trúarlegum hefðum var ekki ráðlagt að flugvélin myndi hefja sig til flugs fyrr en búið væri að ganga úr skugga um að hún
væri ekki andsetin eftir eldinguna.
„Þegar elding verður þá er það skylda okkar með öryggi fólks að leiðarljósi að hreinsa það svæði
sem verður fyrir þessu náttúrulega fyrirbrigði“, segir Togbé Assiobo Nyagblondjor, formaður prestafélags
landsins.
Fram kemur athöfnin hafi snúist um að skvetta vatni með áfengi á þann stað á flugvélinni
þar sem eldingunni laust niður til þess að
„milda reiði“ þrumuguðsins Hiébiésso.
Latta Gnama, yfirmaður flugmálastjórnarinnar í Togo, var viðstaddur helgiathöfnina
á flughlaðinu og segir að allt hafi verið gert til þess að leyfa þeim að framkvæma þessa athöfn.
Gnama tók einnig fram að athöfnin ein og sér hafi ekki dugað því einnig fóru fram viðgerðir á þotunni en þegar þetta tvennt var yfirstaðið flaug þotan til heimaflugvallarins í Eþíópíu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.