flugfréttir
Air Astana fer í mál við Embraer
Embraer-þotur í flota Air Astana
Flugfélagið Air Astana hefur höfðað mál gegn brasilíska flugvélaframleiðandanum Embraer eftir að félagið gat ekki notað nokkrar af nýju Embraer E190-E2 þotunum sem félagið hafði tekið á leigu sem varð til þess að þoturnar voru kyrrsettar á jörðu niðri.
Fram kemur að nokkrar tæknilegar bilanir hafi gert vart við sig og þar á meðal þegar þoturnar voru á flugi sem varð til þess að farþegar voru í hættu að sögn félagsins en umrædd atvik áttu sér stað í desember í fyrra.
Air Astana segir að Emrbaer E2 þotan innihaldi nokkra galla á borð við ófullnægilega
útfærslu á nokkrum á stjórntækjum auk þess sem lítil sem engin greinargerð er til staðar
sem aðskilur muninn á E2 og hefðbundinni útgáfu á Embraer-þotunum auk þess
sem fjölmörg fleiri atriði eru talin upp.
Air Astana segir að nokkrum sinnum hafi komið upp atvik um borð sem rekja má til
hönnunargalla og hafi sum af þeim verið alvarleg atvik. Meðal atvika sem talin eru
upp er atvik sem átti sér stað þann 22. júní árið 2019 er villa kom fram í hugbúnaði í skjákerfi
vélarinnar en tilraun til að lagfæra það varð til þess að „bleed air“ kerfi vélarinnar slökkti á sér
sem varð til þess að loftþrýstingur um borð féll niður. Þá segir flugfélagið að Embraer hafi ekki gefið út neina yfirlýsingu eða sent frá sér
viðvörun í kjölfar þess atviks.
Annað atvik átti sér stað þann 26. september í fyrra í innanlandsflugi í Kazakhstan en
þá kom upp viðvörunarljós um reyk í rafkerfarými vélarinnar (electronic bay). Flugmennirnir
fóru eftir gátlista varðandi neyðarviðbrögð við slíku og var slökkt á rafbúnaði um borð sem
varð til þess að ástreymishverfill (ram air turbine) virkjaðist.
Fram kemur að í því atviki hafi flugmennirnir neyðst til þess að lenda með enga veðurratsjá, enga
hliðarvindsviðvörun, með slökkt á árekstrarvara (TCAS), með enga sjálfvirka eldsneytisinngjöf
(autothrottle) og engan möguleika á því að færa eldsneyti á milli tanka.
Air Astana ákvað að kyrrsetja allan Embraer E2 flotann þann 15. desember í fyrra en félagið hefur fimm slíkar þotur í flotanum. Þann 25. maí sl. ákváðu flugmálayfirvöld í Kazakhstan að hefja formlega rannsókn
á E2-þotunum en í dag eru þær aftur komnar í notkun hjá Air Astana.
Air Astana fer fram á skaðabætur upp á 1.4 milljarða króna en Embraer segir um þvætting
að ræða og ætlar framleiðandinn að leitar réttar síns og telur ásakanir Air Astana óheiðarlegar og er
bent á að ekkert annað flugfélag hafi lent í sambærilegum vandræðum með sínar Embraer E2 þotur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.