flugfréttir
Fara fram á 50 prósent nýtni á lendingarplássum
- IATA fordæmir nýjar kröfur frá Evrópusambandinu
26. júlí 2021
|
Frétt skrifuð kl. 11:29
Evrópusambandið fer fram á að flugfélög verði að nýta sér að minnsta kosti helminginn af þeim plássum sem þeim er úthlutað í vetur
Alþjóðasamtök flugfélaganna (IATA) fordæma harðlega nýjustu yfirlýsingar frá Evrópusambandinu þar sem farið er fram á að flugfélög verði í vetur að nýta sér að minnsta kosti 50% af þeim lendingarplássum sem þau hafa til umráða á evrópskum flugvöllum ef þau ætli að viðhalda rétti sínum til þess að hafa afnot af plássunum.
IATA segir að þessi yfirlýsing sé í engum tengslum við raunveruleikann þar sem það er langt frá því
að flugfélögin séu komin með nægilega mikil umsvif vegna þeirra áhrifa sem að heimsfaraldurinn hefur
haft og sé eftirspurnin eftir flugi ekki komin á það stig ennþá og sérstaklega ekki yfir vetrartímann.
IATA telur að eftirspurn eftir millilandaflugi muni fyrir lok þessa árs ná 34% af því sem var áður en heimsfaraldurinn skall
á og þá á eftirspurnin eftir minnka yfir vetrartímann eins og gengur og gerist.
Þá kemur fram að mismunandi og síbreytilegar sóttvarnarreglur og ferðatakmarkanir í hverju Evrópulandi fyrir sig
geri það að verkum að mjög erfitt sé fyrir flugfélög að sjá fram á hvað er í vændum er kemur að
farþegafjölda og segir IATA að farþegafjöldinn sé ekki orðin það mikill að hægt sé að stóla á fljúga
það margar flugferðir að það nái lágmarkskröfu um nýtni á plássum.
Krafa Evrópusambandsins um 50% nýtni á lendingarplássum á að gilda frá nóvember 2021 fram í apríl
2022 en ef flugfélögin ná ekki að nýta helminginn af þeim gætu þau átt hættu á að missa plássin.
„Enn og aftur hefur Evrópusambandið sýnt fram á að þau eru ekki í takt við þann raunveruleika
sem er í gangi. Flugiðnaðurinn er ennþá staddur í mestu krísu sem dunið hefur yfir í sögu flugsins“, segir
Willie Walsh, yfirmaður Alþjóðasamtaka flugfélaganna (IATA).
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
